كيف علق جمهور محمد رمضان على شرائه لامبورجيني ورولز رويس؟

محمد رمضان اشترى سيارتي "لامبورجيني" و"رولز رويس"، ولكن ذلك أثار غضبًا وجدلًا بين جمهوره

يعتاد الفنان محمد رمضان على تقمص الشخصية المصرية البسيطة التي تكافح وتتعب كثيرًا للحصول على لقمة العيش، لذا كان له النصيب الأكبر من جمهوره الذين صدقوه في هذه الأدوار، لا سيما أنها تخاطب جمهورًا عريضًا من الشعب المصري.

لكن محمد رمضان أغضب جمهوره بتصرف غير مفهوم ولا يعبر عن الأدوار التي يلعب عليها في جذب جمهوره، الشريحة البسيطة الكبيرة التي تتابعه، ونشر صور سيارتين من أغلى سيارات العالم والتي يحرص مشاهير هوليوود على شرائها والتباهي بها أمام الجمهور.

وفاجأ رمضان جمهوره بصور نشرها على صفحته الرسمية بموقع فيس بوك لسيارتي "لامبورجيني افنتادور" و"رولز رويس جوست" وكتب: "الحمد لله.. اشتريت أمس السيارتين الأقرب إلى قلبي لامبورجيني افنتادور & رولز رويس جوست، بحب أشارك جمهوري كل اللحظات الحلوة في حياتي.. جمعة مباركة صباحكم بلون قلوبكم".

ويتراوح سعر "لامبورجيني افنتادور" بين 405 آلاف دولار ما يعادل 3 ملايين و596 ألفًا تقريبًا، و533 ألف دولار أمريكي، ما يعادل 4 مليون و733 ألف جنيه مصري تقريبًا. 

أما سيارة "رولز رويس جوست" فيتراوح سعرها بين 300 ألف دولار ما يعادل مليونين و664 ألف جنيه مصري، و333 ألف دولار أمريكي بما يعادل مليونين و697 ألف جنيه مصري. 

وانهالت التعليقات على الصور التي نشرها رمضان؛ حيث كتبت له: "سارة صالح" أوك مبروك عليك، بس إنت أكتر جمهورك من الشعبيين فا أكيد دي حاجه تقهرهم مش هتفرحهم حتى لو بيحبوك".

وكتبت له "ندا رأفت" عبر موقع فيس بوك "واستعينوا على قضاء حوائجكم بالكتمان؛ فإن كل ذي نعمة محسود'' صدق رسول الله".

أما "أيمن ماو" فوجه لرمضان نصيحة وكتب: "ربنا يوفقك ويزيدك، بس نصيحة من أخ بلاش ترفع صور الحاجات بتاعتك عشان والله في ناس كتير بتنام من غير عشا وحلم حياتها تاكل؛ فانت بكدا بتأثر فيهم وبتكسر نفسهم أكتر، إنت كدا مبتفرحهمش، أنا آسف إني بقلك كدا، بس انا عشان بحبك قلتلك، وربنا يوفقك ومن نجاح إلى نجاح".

أما "هاشم إتش" فوجَّه رسالة غاضبة لرمضان وعلق: "يا عم محمد رمضان أنا كنت بحبك بجد لحد ما شوفت البوست ده، أقسم بالله مش قصدى حاجة، أنا الحمد لله ظروفي كويسة، بس اللي إنت بتعمله ده اسمه نقص، ده عمك أحمد السقا معملهاش ليه؟؟ عشان هو راجل متدين ومتكامل ده انت اللى بتقول الرجوله مش فشخرة يا نجم وبالتوفيق والنجاح".

وكتب "عبد الرحمن جمال الدين" تعليقًا ساخرًا قال فيه: "واحد صاحبنا جاب فيات 128 موديل 79 مفيهاش كلاكس ولا فرامل وكان بيطلع رجله يكسح في الأرض عشان يوقفها وكل ما يجيله شوية برد يقول أكيد عين عشان العربية".

وكتبت "سالي الطيبي" رسالة غاضبة قالت فيها: "خليك شجَّع الفقراء على البلطجة والتخلف وفي الآخر غيظهم بسيارتين فارهتين.. علمهم القرف وأجري احمي نفسك داخل سور القصر بتاعك".

وكتب له "ناصر طلعت" تعليقًا ساخرًا قال فيه: "ألف مبروك يابا لو إنت مركبتش لامبورجيني ورولز.. أنا اللى هركبهم يعني ".

أما "نسائم الجنة" فوجهت له نصيحة وقالت فيها: "إنت بتفتح على نفسك أبواب كتير ملهاش لزوم بجد.. داري على شموعك تنور أكتر.. يا عم محمد رمضان.. كدا مش صح.. ربنا يباركلك ويزيدك من نعيمه.. بس الشباب تعبانة من الظروف والدنيااا، وصدقني العين حق ... والنفس لا تملك.. وإنت شاب ربنا يحميك لأهلك بتجيب لأهلك الحسد.. كان فيه أباطرة معاها فلوس أكتر منك واتغيرت بيهم الأحوال بمجرد نظرة حاسد.. العين نزلت الرجل القبر والجمل القدر.. وصلوا على شيفعنا يوم الدين.. وبلاش تتعب الناس وتجيب التعب لنفسك.. افتكر أيام ما كنت لسه بادئ وظروفك كانت إزاي، وحس بالناس والشباب".

وكتب "حاتم فواز" تعليقًا قال فيه: "تمن سيارة زي اللي إنت متصور معهم لو تتبرع بثمنها إلى أي بلد من صعيد مصر اللي إنت أساسًا منهم أحسن من اللي إنت فيه".

لكن "عبده البشلاوي" كان له رأي مختلف قال فيه: "أنا مش فاهم الناس زعلانة ليه إنه جايب عربيات مع إن إنتو لو بقى معاكو فلوس هتجيبو عربيات وتمتعوا نفسكم، كل واحد يخليه في نفسه.. أصلًا أنا متوقع الكومنتات مكتوب فيها إيه قبل ما أشوفها، كل واحد يخليه في نفسه، مايمكن بيطلع فلوس للغلابة واحنا مانعرفش ومالناش دعوة بردو".

وانتقدت "حنان جمعة" محمد رمضان قائلة: "إنت غلطت يا رمضان في البوست ده كتير جدًّا، إنت رجل شعبي وعارف حال معظم الناس، بلاش تستفز مشاعر الكراهية، خليك ذكي، ومن رأيي أن تتبع السيئة الحسنة تمحها، اتبرع لأي جهة خيرية وفورًا وبمبلغ محترم، وياريت نقرأ البوست على صفحتك في أقرب وقت".

وشارك محمد رمضان في موسم رمضان 2016 بمسلسل "الأسطورة" من بطولة فردوس عبد الحميد، عايدة رياض، هادي الجيّار، رجاء الجداوي، صبري عبد المنعم، روجينا، ريم مصطفى، دنيا عبد العزيز، أشرف زكي، فايق عزب، محمد عبد الحافظ، محمود حافظ، ياسمين صبري، جلال الزاكي، مي عمر، نسرين أمين، محمد غنيم، تأليف محمد عبد المعطي، وإخراج محمد سامي.

aXA6IDMuMTM2LjIzLjEzMiA=

جزيرة ام اند امز