عبدالباسط حمودة وعمر كمال عن أزمة المهرجانات: "هاني شاكر عنده حق"
جدل واسع أثارته حلقة الإعلامي المصري عمرو أديب، السبت، مع المطربين الشعبيين عبدالباسط حمودة وعمر كمال.
وحل المطربان ببرنامج "الحكاية" المذاع عبر فضائية "إم بي سي مصر"، وتحدثا عن أزمة مطربي المهرجانات مع نقابة المهن الموسيقية في مصر، كما كشفا جزءا عن حياتهما قبل الشهرة.
وقال عبدالباسط حمودة، إن أطول مرة غنى فيها كانت لمدة 8 ساعات في الأفراح في فترة سبعينيات القرن الماضي وكان يحصل على أجر ربع جنيه فقط.
وأضاف: "عمر كمال ذكي وأنا قولتله خلاص الناس عرفتك من خلال المهرجانات، اعمل أغاني شعبية وكلمات حلوة بعيدا عنها".
وتابع: "هانى شاكر (نقيب المهن الموسيقية في مصر) عنده حق، ومغلطش لما قال إنه يعمل امتحان واللى ينجح يبقى تمام واللى مش بيعرف يغني هيعمله إيه يعني.. هانى شاكر مش عاوز لفظ خارج، ومنقدرش نلومه في حاجة، وهو لم يمنع شخص عن أنه ياكل عيش، بس المهم أن المطرب يقول الكلمة الحلوة، وهانى شاكر قيمة وقامة وفنان كبير وفاهم كل حاجة، والكلام ده كله ميمنعش أن فيه مطربين في المهرجانات بتغني كويس أوي".
وتحدث عمر كمال عن أزمة مطربى المهرجانات ونقابة المهن الموسيقية في مصر، قائلا: "الأزمة بأن المهرجانات سيطرت على الساحة كلها ومفيش احتواء وتنظيم للمهرجانات، والنجوم الكبار بيعملوا أغانى بتكلفة كبيرة ولكن مطرب المهرجانات بلاب توب وفلاشة يقدر يعمل 10 مهرجانات".
وأضاف: "أنا مع الفنان هانى شاكر في كلامه بأن لازم يكون في تقنين لكلمات المهرجانات، ولكن لازم يكون في احتواء لمطربى المهرجانات، ويتعمل شعبة مؤدى مهرجان زى ما في شعبة لمطربى الراب ويبقى في تصاريح ووقتها هيخافوا يقولوا ألفاظ عشان ميتمنعش من الغناء، وحمو بيكا لازم ياخد تصريح مؤدى مهرجانات".
وتابع: "أنا اتوقفت 9 شهور قبل كده اتعلمت فيهم الأدب بسبب لفظ في أغنية بنت الجيران، ولكن خلاص مضيت إقرار في النقابة بأنى مش هاقول أي كلام خارج وأى أغانى أعملها بعرض كلماتها الأول وأخد موافقة عليها".
aXA6IDE4LjExNi4xNS4yMiA=
جزيرة ام اند امز
