مي فاروق بعد رفض دعوى طليقها لضم الأبناء: «مسنودة بدعوات أمي"

أعربت المطربة مي فاروق عن ارتياحها بعد صدور حكم قضائي برفض الدعوى التي تقدم بها طليقها ووالد أبنائها، والتي طالب فيها بضم حضانة الأطفال إليه، وذلك عقب زواجها من الفنان محمد العمروسي.

وفي أول رد فعل منها عقب إعلان القرار، نشرت مي فاروق عبر حسابها الرسمي على موقع التواصل الاجتماعي "فيسبوك" رسالة مطوّلة، وجهت من خلالها الشكر لله، وتحدثت عن دعم والديها وزوجها، وأكدت على يقينها بعدالة القضاء.

وقالت مي فاروق في منشورها: «عمر ثقتي في ربنا ما خيبت أبدًا، ودايمًا ظني فيه إنه كريم وجميل وساندني، وعارف مين المؤذي ومين الصادق اللي اتظلم، وده اللي دايمًا بيحصل».

وأضافت: «ورضا أمي وأبويا عليّ ودعواتهم ليا اللي دايمًا محاوطاني، وثقتي في إن أنا ما بظلمش حد، أنا اللي باتظلم وبوكل أمري لله، وده قمة القوة اللي كتير قوي بيفتكروه ضعف، بس عشان هم عندهم مشاكل. أنا مسنودة سَنَدة ما يهزهاش بشر أبدًا. ربنا معايا ودعوات أمي وأبويا ورضاهم عليّ مرافقني العمر كله».

وأكملت حديثها مؤكدة دعم زوجها الفنان محمد العمروسي، وكتبت: «وكمان في ظهري راجل محترم وأمين، ثقتي فيه عمرها ما خيبت، ربنا يخليك ليا ولأولادنا، وقانون بلدي وعدالة بلدي النزيهة، وراجل محترم وقف معايا من أول الحكاية وثقتي فيه كانت كبيرة جدًا، المستشار ياسر قطنوش».

واختتمت مي فاروق منشورها بدعاء جاء فيه: «فاللهم لك الحمد على كل نعمك وكرمك وفضلك وسندتك، دي نعمة يارب، ورد كيد الكائدين وحقد وغل كل واحد له، اللهم آمين. وانصرني دايمًا كده، وزيدهم كمان وكمان من اللي في قلوبهم، وابعِدهم عنّا. اللهم آمين، الظلم وحش ونصرة ربنا جميلة قوي».