عفاف شعيب: "صمت 3 سنين علشان أكفّر عن ذنبي.. واتعرضت للسحر" (فيديو)

قالت الفنانة المصرية عفاف شعيب إنها تعرضت للسحر من سيدة كانت تريد تخريب علاقتها بزوجها السابق رجل الأعمال رياض العريان.

وقالت عفاف شعيب، في لقائها مع برنامج "كلام الناس" على فضائية "إم بي سي مصر": "واحدة عملتلي سحر عشان جوزي يسيبني وتخطفه مني".

• فيديو.. عفاف شعيب للباحثين عن مشاهد شمس البارودي: اتركوها تعيش حياتها

وأضافت: "أنا قولت يا رب أنت وكيلي، وبالفعل العربية اتقلبت بيها، ولحد النهارده عايشة عاجزة، أنا عمري ما دعيت ربنا إلا وجابلي حقي، وأنا انفصلت عن زوجي ساعتها لأن العقد بيني وبينه انتهى خلاص".

وعن علاقتها بزوجها، قالت عفاف شعيب: "عمري ما أخدت فلوس من زوجي رياض العريان زي ما الناس بتقول، بالعكس مرة كنت عايزة أشتري عربية مرسيدس سنة 1988 ومكنش فيه تقسيط والمبلغ كان كبير، حوالي 45 ألف جنيه، وطلبت أستلف منه الفلوس، لكنه رفض وقالي عربيتك حلوة مش محتاجة تغيريها، وربنا بعتلي شغل، والحمد لله جبت العربية من فلوسي".

ذنب عفاف شعيب

وأشارت الفنانة المصرية إلى أنها صامت 3 سنين لتكفير ذنب: "حسيت بالذنب علشان أجهضت نفسي أكتر من مرة، وصمت 3 سنين علشان أكفر عن غلطتي".

وأضافت: "ربنا غفور رحيم، وحسيت بعد تكفيري عن ذنبي بالإجهاض براحة ورأيت رؤية في المنام بإن ربنا غفرلي ذنبي".

وتحدثت عفاف شعيب عن الحجاب، قائلة: "الحمد لله عمري ما فكرت اخلع الحجاب، ولا فكرت في القرار ده أبدا بعد ما فنانات خلعوا حجابهم".

آخر أعمال الفنانة عفاف شعيب حكاية "واحد في المية" من مسلسل "زي القمر"، مع صابرين ومدحت صالح، تأليف فداء الشندويلي وإخراج أحمد شفيق.

aXA6IDMuMTM1LjIwNS4yNiA=

جزيرة ام اند امز