عمرو مصطفى: "عمرو دياب تجاهل وفاة أمي.. ومفيش حد غالي عليا"

حل الملحن المصري، عمرو مصطفى، ضيفا، على برنامج "حبر سري" تقديم أسماء إبراهيم، والذي يعرض عبر قناة "القاهرة والناس".

وتحدث عمرو مصطفى خلال المقابلة التلفزيونية عن علاقته بالنجم عمرو دياب قائلا: "ذكر اسمه في حد ذاته أمر بيعصبني جدا، ده ماجاش عزاني في أمي، مش عايز حد يتكلم عن الموضوع ده أصلا لأن عندي ردود هتزعل، ومش عايز أجيب الاسم أصلا، خسارة".

وتابع عمرو مصطفى حديثه: "محدش غالي عليا، الغالية عليا راحت وهي أمي، عشان بعد وفاتها حبيت نفسي بس، ودي كانت نصيحتها ومكنتش بسمع كلامها".

وأكد عمرو مصطفى خلال الحوار أنه لا يحمل أي مشاعر تجاه كل المطربين موضحا: "الغالي ولادي ومراتي".

وبسؤال عمرو مصطفى عن دور عمرو دياب في مسيرته الفنية وشهرته قال: "الشاعر عادل عمر والفنان الراحل عامر منيب هما من قدماه للجمهور.. وقبل عادل وعامر، ربنا سبحانه وتعالى ومجهوده الفني".

وأضاف أنه منح ألحانه للكثير من المطربين في الوطن العربي على مدار السنوات الماضية، وقال: "كلهم زي بعض أنا دلوقتي بحب عمرو مصطفى بس، مفيش حد مهم، مزيكتي هي اللي مهمة".