عمرو مصطفى يجدد ألحانه بصوته: «هامسح أي نسخة بصوت أي مطرب»

وجّه الملحن والمغني المصري عمرو مصطفى نصيحة لأولاده بشأن ألحانه، بعد انتهاء عقودها مع المطربين الذين تعامل معهم.

وكتب عمرو مصطفى النصيحة عبر حسابه الشخصي في "فيسبوك" بشكل واضح ومباشر، قائلا: "الأغاني اللي عملتها هترجع تاني بصوتي بعد انتهاء مدة حقوقها، فيه أغاني عملتها من سنة 1999، يعني فاضل حوالي عشرين سنة وترجع الحقوق تاني ليا، ووصيتي لأولادي عدم التجديد لأي شخص. هنبتدي ننزلها من دلوقتي بصوتي، لكن بالكلام متغير وتوزيع جديد تماما".

وواصل قائلا: "الأغاني دي هتفضل موجودة بصوتي طول العمر، وأي نسخة بصوت أي مطرب غناها قبل كده هتتمسح تماما بعد انتهاء المدة القانونية لها. حنفتح المجال للشباب الجديد إنهم يكتبوا على الألحان دي كلمات جديدة، خلال الخمس أو ست سنين الجايين ده لو في العمر بقيه بإذن الله، هكون محضر كل الأغاني اللي عملتها بصوتي مع كتابات شبابية جديدة، ونصيحه للمبدعين أي تصريح لا يزيد على خمس سنوات".

يشار إلى أن عمرو مصطفى شارك مؤخرا، في صالون "الموسيقى في عصر الذكاء الاصطناعي.. فرص وتحديات" للتحدث عن التطور وتطويع أدوات الذكاء الاصطناعي للارتقاء بالموسيقى والفنون من تنظيم دار الأوبرا المصرية.