أول تعليق من أصالة بعد تبرعها بأجر حفل دبي لأسر ضحايا زلزال سوريا

علقت الفنانة السورية أصالة، على الحفل الذي أقامته في دبي بدولة الإمارات، بعدما أعلنت تبرعها بأجرها لصالح أسر ضحايا زلزال سوريا.

وقالت أصالة، عبر حسابها الرسمي على موقع "إنستغرام": "مرّات بيكون فيه ليالي وكأنها هربانة من حلم، وبما إنّنا مُحاطين بالكوابيس والآلام وواقعنا على شفا حفرة من الانهيار، وغرقانين ببحر هموم ما بين إمبارح واليوم حتى بكره، صرنا بحاجة لقشّة نتعلق فيها عشان توصلنا للبر".

• أصالة تتبرع بأجر "حفل دبي" لضحايا زلزال سوريا.. "هم أحق مني"

وأضافت الفنانة السورية: "إمبارح ما كنّا أنا وفرقتي لحالنا عالمسرح عم نقدم مساعدة نفسية إلنا وننقلها للموجودين، كلنا حسينا إننا بوسط حشد من أرواح طاهرة عم تعزف معنا وتغني وعلينا ورحنا بعيد وتركنا بمطرحنا الهم أمانة، لنرتاح ونرجع نقوى علينا نلاقي له حل، ودائما الحلول ما بتنوجد إلا لما نهدى شوي".

واستطردت قائلة: "إمبارح حسينا بحضن كبير كلنا تجمعنا فيه، والمحبّة كانت نقية صافية مندفعة طفولية لمستنا كلنا دون استثناء، وأحلى شيء صار إمبارح إننا قدمنا هالمعونة ممزوجة بالفن والطيب بداية من صانع هالليلة غير العاديّة الكريم، اللي قدم كل ريع الحفل لأهلنا بسوريا الممتحنة، سوريا التاريخ والأصالة الموجوعة، وصرختها صارت الأعلى بين كل بلادنا الموجوعة".

وتابعت: "بدعي ربي يجمعني بحبايبي وأهلي بوطني الغالي قريب، وطالما ما زال الخير موجود الأمل دائما موجود.. شكرا دبي على وجودك زهرة نشوفها ونستمتع فيها مصدر أمان وسعادة للعالم أجمع".