فنانة مصرية تشكو غلاء "الدروس الخصوصية": "حصة الكيميا بـ900 جنيه"
اشتكت الفنانة المصرية داليا مصطفى، الأحد، من ارتفاع أسعار الدروس الخصوصية، معبرة عن صدمتها الشديدة.
ونشرت داليا مصطفى مقطع فيديو عبر خاصية "استوري" بحسابها الرسمي بتطبيق "إنستجرام"، وقالت: "كنت بسأل صحبتي على درس الكيمياء لابني وحصلي صدمة.. المبلغ اللي طالبه المدرس في الساعة هو من 700 إلى 900 جنيه، صاحبتي مسمية ترابيزة الدروس ترابيزة القمار!".
وأضافت: "ليه يا جماعة مفيش كنترول وآسفة جدا إني بقول كده وعرفت إن الحكومة عايزة تتدخل في الموضوع ولكن الموضوع صادم أوي، في ناس مقتدرة على فعل ده وناس لأ".
وتفاعل عدد من رواد مواقع التواصل الاجتماعي مع فيديو الفنانة بين منتقد وساخر ومؤيد لحديثها.
يقول حساب "عبدالعزيز ساري" متسائلا: "وليه إنتي تاخدي ملايين في فيلم؟.. هو عمل كده عشان عارف إنك فنانة وتقدري تدفعي".
فيما كتب حساب "سامح عبدالوهاب": "هو ليه باين إن محدش يعرف.. دي حقيقة من ابتدائي كل حاجة بالفلوس، غير المدرسين مفيش شرح في المدرسة علشان الأولاد لازم ياخدوا درس عند حضرته، ولو معترض مفيش درجات".
وغرّد حساب "حسام الطيب": "إحنا اللي خلينا المدرس ده ياخد المبلغ ده.. اللي عملناه أسطورة وهو ميسواش".
وقال حساب "شيماء الشامي": "ممكن يكون عندك حق بس على الأقل هو بيدي علم ينتفع بيه.. السؤال الصحيح ليه ممثلين اللي قيمة أعمالهم والعائد منها غير متوازي مع القيمة اللي بيقدموها متوسط مرتباتكم ملايين".
