"مسكني من أماكن حساسة جدا".. معلمة مصرية تتهم مديرها بهتك عرضها
اتهمت معلمة مصرية مديرها بهتك عرضها ومساومتها للحصول على رشوة جنسية مقابل تسهيل تعيينها بمدرسة في محافظة الجيزة شمال البلاد.
واستمعت جهات التحقيق إلى أقوال المعلمة المتطوعة، وفي بداية أقوالها اتهمت مدير مدرستها بمنطقة الطالبية بالإفصاح عن رغبته في إقامة علاقة غير شرعية معها.
وحددت محكمة جنايات الجيزة جلسة 25 سبتمبر/أيلول الجاري لبدء محاكمة مدير المدرسة في القضية التي بدأت فصولها في نوفمبر/تشرين الأول الماضي، بحسب أقوال المجني عليها.
وبحسب وسائل إعلام مصرية، قالت المجني عليها لجهات التحقيق: "كنت رايحة أشتغل مدرسة متطوعة، وكنت لوحدي، والمدرسة كان فيها مدرسين كتير تانيين، وأنا مكنتش أعرف مين المدير، وكانت أول مرة أشوفه، ومفيش أي خلافات بيني وبينه".
معلمة الطالبية: "مديري قال لي سيبيني وهعينك"
وأضافت: "لما روحت لقيت المدير كان بدأ شغل قبل ما أروح أنا بأسبوع، وقابلته في مكتبه باعتباره مدير المدرسة علشان أقدم الأوراق، وبعد ما بدأت أتردد على المدرسة، بدأ هو الكلام معايا، وحسيت من كلامه إن فيه تلميحات، وكان منها إنه قالي عينك جذابة وأنا لما بشوفك حاجات بتتغير في جسمي".
وأردفت: "أنا رديت عليه وقولت له بتقول ايه؟ أنت في سن والدي، قال لي حتى لو كنت قد جدك، فأنا سبته ومشيت، وعرفت إنه مش كويس"، وتطرقت إلى واقعة هتك العرض، قائلة: "في آخر مرة دخلت عنده مد إيده على جسمي، ومسكني من أماكن حساسة جدا، وهو قاعد على مكتبه، كان بيننا حوالي متر، وكان يحرك الكرسي باتجاهي، وقدر يطولني ويعمل معايا كده".
وكشفت المعلمة عن تحوطها لمدير المدرسة، قائلة: "أنا كنت عاملة حسابي وروحت مشغلة كاميرا الموبايل عشان أصوره وسبته يعمل اللي هو عاوزه، عشان أثبت عليه، لكن لما لقيته بيتمادى، قاومته وقولتله بتعمل ايه قالي اقعدي ساكته وسيبيني أعمل اللي أنا عاوزه ومتمسكيش إيدي وهعينك عاملة في المدرسة".
