رسالة اعتذار من حمو بيكا لأمير الغناء العربي

وجّه مؤدي المهرجانات المصري حمو بيكا رسالة اعتذار إلى المطرب هاني شاكر، نقيب الموسيقيين المصريين عبر حسابه في "فيسبوك".

وطلب حمو بيكا من هاني شاكر السماح له بالغناء داخل مصر قائلاً: "الأستاذ هاني شاكر (نقيب المهن الموسيقية وأمير الغناء العربي)، بعتذر لحضرتك ولكل نقابة المهن الموسيقية عن كل ما صدر مني".

وأضاف بيكا: "استسمح حضرتك أن تقبل اعتذاري.. أنت وكل أساتذتي في النقابة، أنا مكنتش طالب أكتر من أني أشتغل ومش طالب أكتر من التصريح السنوي، لأني عايز أشتغل وأشوف شغلي وحياتي".

واختتم حمو بيكا رسالته إلى هاني شاكر قائلاً: "أتمنى أن تقبل اعتذاري وتعتبرني ابناً من أبنائك".

 وفور نشر الرسالة انهالت التعليقات الساخرة من جانب المتابعين، ولم يلتزم بيكا الصمت ورد على منتقديه بقوله: "إنتوا ليه كل حاجة بتاخدوها هزار؟ ليه كل حاجة بتاخدوها باستهتار.. أظن الكلام مفيهوش أي هزار وأي ضحك.. يا ريت بعد إذنكم جميعاً اللي حابب يقول كلمة حلوة يقولها واللي معندوش كلام حلو ميتكلمش ويكتفي بسكوته يكون أفضل".