حمو بيكا: أتقيأ دماً لإصابتي بمرض مناعي.. وأعيش على أطعمة محددة (فيديو)

كشف مطرب المهرجانات المصري حمو بيكا، تفاصيل مرضه وتكاليف علاجه التي أثارت الكثير من الجدل خلال الفترة الماضية.

وقال بيكا خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس، "المرض بتاعي مناعي بمعنى أن الجهاز المناعي المفروض بيهاجم أي بكتيريا ضارة والجهاز المناعي جاله خلل وبالتالي بيهاجم أي حاجة فى أجهزة جسمي وساعات برجع دم".

 
وأضاف بيكا، أنه يعاني من المرض حينما يحدث خللا بجهازه المناعي، متابعا: "بيحصل لي مشاكل في معدتي كبيرة وبأخذ إبره هي بتلخيني أهدى وبتهدي جهازي المناعي وعلاج الإبرة أول مرة كان بـ120 ألف جنيه، وكل شهرين المفروض بأخذ إبره تمنها 20 ألفا".

وتابع: "لما جت جائحة كورونا خفت أخذت الحقنة عشان مش هيبقى فى مناعة في جسمي، والمرض ده جالي بعد الشهرة وممنوع أكل حاجات كتير وعايش على المكرونة وشوربة الخضار ولسان العصفور والميه نفسها مش بشربها، والناس اللي بتتريق عليا وعلى بطني ده أصلا مرض ودلوقتي مش معايا اخد الإبرة".