زوجة حسن شاكوش تكشف سر سجودها بفستان الزفاف

كشفت ريم طارق، زوجة حسن شاكوش، مطرب المهرجانات المصري، سر سجودها بفستان الزفاف أثناء حفل زواجها، أمام جميع المدعوين.

وقالت زوجة حسن شاكوش، لبرنامج "ET بالعربي" إنها لم تكن تبحث عن التريند عندما فعلت ذلك، مضيفة: "مفيش حد يقدر يضحك على ربنا، ودي حاجة بعيدة عن السوشيال ميديا".

• عروس حسن شاكوش تسجد شكرًا لله.. وسط ذهول الحاضرين

وأضافت: "أنا كنت واخدة عهد على نفسي لما أدخل بالإطلالة الأولى لازم أسجد وأشكر ربنا لأنه عوضني بحسن، هو أحسن واحد في الدنيا في عيوني".

وتابعت: "إحنا جيران من وإحنا أطفال، وبعدها مشينا من المنطقة، ومن 10 سنين ماشفتوش، وسأل عليا وقال عايز يتجوزني، حسن عندي حاجة كبيرة أوي، هو بالنسبة لي رهبة".

من جانبه، أشاد حسن شاكوش في تصريح مقتضب بزوجته وعلاقتها القوية ربنا، مؤكدا أنها تواظب لا الصلاة، ولا تترك فرضا.

وكان شاكوش قد احتفل، الجمعة، بزفافه على ريم طارق بحضور حشد من نجوم الغناء، خاصة مطربي المهرجانات، لكن لقطة سجود العروس شكرا لله على زواجها منه، لفتت الأنظار بشدة خلال الحفل.

وسجدت العروس عند الـ First look، وهي رؤية العريس للعروس بالفستان الأبيض لأول مرة، ما أثار دهشة الموجودين.

وتباينت التعليقات حول الواقعة، حيث انتقدتها المذيعة المصرية رضوى الشربيني، خلال برنامجها "هي وبس"، عبر قناة "CBC سفرة" قائلة: "حركة أوفر جدا، وآخر حاجة كنا بنشوفها إن لاعبي الكورة يسجدوا لما يجيبوا جون، بس كل واحد من حقه يعبر عن فرحته بالطريقة اللي تعجبه".

وتابعت: "كنا بنشوف إن العروس لما تبقى فرحانة وسعيدة تبوس إيد جوزها أو كتفه أو تحضنه، ولكن إن ست تسجد في فرحها قدام الناس، مشوفناهاش قبل كده".

ومضت رضوى الشربيني قائلة: "يا ريت يا بنات متعملوش كده أبدا، لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي، وأفرد دراعي وأحمده قدام الناس بالشكل ده".