"بهدلوه في آخر أيامه".. وفاء مكي تبكي بسبب هشام سليم (فيديو)
دخلت الفنانة المصرية وفاء مكي في نوبة بكاء، في معرض حديثها عن مواطنها الراحل الفنان هشام سليم، الذي توفي قبل أيام.
وخلال استضافتها في برنامج "كلام الناس" على شاشة "mbc مصر"، أعربت وفاء مكي عن استيائها مما حدث للفنان هشام سليم على مواقع التواصل الاجتماعي في أيامه الأخيرة.
وقالت الفنانة المصرية: "قعدنا نصور مسلسل (الراية البيضا) فترة طويلة، سافرنا مع بعض وعشنا مع بعض، ما بين القاهرة والإسكندرية والأردن، وشفت قد إيه أخلاقه جميلة، وبني آدم جميل وكويس، ومن جواه في حاله، مآذاش حد".
وأضافت "مكي": "زعلانة عشان البهدلة اللي في الآخر، حرام، ليه كده؟ يعني وصلني تعليق، شوية شوية هينزلوا معاه القبر وهو بيتحاسب، وابنه ومش ابنه، يا جماعة إحنا في إيه ولا في إيه؟ كنت قريبة منه وعارفة إنه بيعمل حاجات كتير خير وحلوة قوي، من غير ما حد يشعر بيها، صعبان عليا، ربنا يرحمه يارب".
وأردفت: "الرحمة، الرحمة حلوة قوي، وده موت له حرمته وله هيبته، وده بس اللي حازز فيا، وصلت لمرحلة السوشيال ميديا مليش علاقة بيها خالص، بحس إنها بتضر أكتر ما بتنفع، بتنتهك حرمات الناس، بتتدخل في أدق التفاصيل ومن غير ما حد يعرف حاجة، كل ده عشان يعملوا نسبة مشاهدة، طب وليه؟، حرام".
وتوفي الفنان المصري هشام سليم، 22 سبتمبر/ أيلول الجاري، عن عمر ناهز 64 عاماً بعد صراع مع مرض السرطان.
وفاء مكي تكشف سبب زيادة وزنها
من جهة أخرى، كشفت وفاء مكي أسباب زيادة وزنها، خلال استضافتها في برنامج "كلام الناس" تقديم ياسمين عز على شاشة "MBC مصر".
وقالت: "وزني زاد بعد إصابتي بفيروس كورونا، وحصلت على عقاقير تحتوي على كورتيزون، ما تسبب في زيادة وزني، ومستوى السكر في دمي وصل لـ750".
وأضافت وفاء مكي: "الآن أصبحت أعالج نفسي بنفسي لأني لست مستعدة لزيادة وزني من جديد". وعقّبت ياسمين عز: "طول عمرك بطاية، الناس دلوقتي هيقولوا في مذيعة تقول كدة، آه فيه وكل الناس كانت بتقول كده، دلوقتي بنقول عليها كيرفي، يعني مش رفيعة ولا مليانة".
وواصلت وفاء مكي حديثها عن زيادة وزنها، قائلة: "عظمي عريض، (الشاسيه عريض)، من تحت مش مليانة زي فوق، فوق أعرض، وكنت أنا وليلى علوي وهالة صدقي وإلهام شاهين، كلنا كنا في نفس الجسم".
