مسلسل الاختيار الحلقة 17.. أحمد عز يهدد حبيبته بالضرب.. و"سيدات مصر": "الغيرة مش مبرر للعنف"
هاجمت إحدى الصفحات النسائية على "فيسبوك" الممثل أحمد عز، بعد تهديد حبيبته بالضرب بحجة الغيرة في مشهد بمسلسل الاختيار الذي يعرض حاليا في رمضان.
وبعنوان "المفتش نرجس.. وحدة متابعة المسلسلات"، نشرت صفحة Women of Egypt سيدات مصر، منشورا يتضمن ما قاله عز، الذي يلعب دور ضابط في مسلسل "الاختيار" الذي يشارك في الماراثون الرمضاني.
وكتبت الصفحة، التي تعرف نفسها بأنها "منصة لتمكين المرأة وتسليط الضوء على نماذج السيدات الناجحات المكافحات والملهمات"، نص الحوار الذي دار بين الممثلين في المشهد كالتالي:
- أنا بغير وبغير جداً.. وقسماً بالله لو مظبتيش نفسك معايا لأجيبك من شعرك واخبط دماغك دي في الطرابيزة
= طيب خلاص
- أنا بقولك بس
= ماشى
- اظبطي نفسك
وعلقت الصفحة، التي يتابعها أكثر من 750 ألفا، قائلة: "ده حوار من مسلسل الاختيار بين أحمد عز وميرنا نور الدين.. التهديد بالعنف مش هزار، التهديد بالعنف مش رجولة، الغيرة مش مبرر للعنف أو التهديد به، مافيش أي مبرر للعنف".
تفاعل المئات مع المنشور الذي حصد ما يقرب من 600 تعليق، وبين رافض لطريقة الحوار ومبرر له بحجة "الروشنة والرومانسية" اختلفت الآراء.
ومن بين التعليقات، قالت هند الخضري: "الدراما مهمة جدا لأنها بتأثر على العقول بشكل مباشر وبترسخ أفكار وتبني ثقافة، بعدين الشباب يقلدوا والبنات تنبسط وبعدين نقول هو العنف الزيادة ده ليه كده!".
وكتبت نهى نبيل: "معجبنيش المشهد وأهلي قعدوا يقولوا ده هزار حتى أختي نفسها كانت شايفاه عادي لمجرد إن اللي قاله أحمد عز، ساعات كتير بلاقي ناس تقول كلام جارح أو تتريق على حد قدامي ويقول بهزر، الدعابة اللي بتكون حلوة فعلا هي اللي بتضحك من غير ما تهزر على حساب حد أو في الحالة دي إيحاء للعنف".
ورأت ياسمين حسين: "مشهد ولا ليه لازمة والمشاهد دي مش تافهة دي بتخلي العنف شيء عادي بل ودليل علي الحب في اللاوعي بتاع مراهقين بنات وأولاد إما حيقابلوا ده في حياتهم بعد كده، حياخدوا وقت على ما يفهموا إن ده غلط وبيبوظ حياتهم".
وقالت ريهام حسام: "قدامنا سنين كتير فعلا لحد مانوصل لدرجة من الوعي تخلي الناس حتى في هزارها والكلام العادي اليومي يتجنبوا استخدام عبارات فيها عنف او استخدام العنف نفسه".
وكتبت سارة الشامي: "فيه ستات مهزأة بتسمح لنفسها تتعامل كده على أساس انه هزار وروشنة وغيرة وترجع تزعل لما الموضوع يقلب جد.. مجرد الكلام من النوعية دي بينم عن عقلية الشخص اللي قدامك.. أكيد في طريقة أرقى من كده تعبر لها عن غيرتك يعني، ارتقوا".
وعلق أحمد عفيفي: "90% من الرجالة الشرقيين بيفكرو كده حتى المتعلمين منهم واللي سافروا واختلطوا بثقافات اخرى، مش بس صناع المسلسلات الأبرار، الرجل الآدمي ده أسطورة ولو حد قابله يشاورلنا عليه من فضلكم نلحق نلمسه ولا نحطه في متحف ولا حاجة".
وأيدت بسنت فاروق التعليقات الرافضة للحوار، قائلة: "أتفق جدا للأسف، فالأول بيفتكروها رومانسية وبعدين بنتبهدل كلنا".
ومزحت يمنى عادل بإفيه شهير للفنان، قائلة: "أقسم بالله ما ولادي"، بينما قلل مليكة مدحت من أهمية المشهد، قائلة: "شيفاه حوار عادي وهزار بين اتنين بيحبو بعض".
aXA6IDMuMTYuNzUuMTU2IA==
جزيرة ام اند امز
