«الأوقاف» المصرية تستجيب لفنان منع من الصلاة.. ماذا فعلت؟ (فيديو)
بعد ساعات من نشره الواقعة، فتحت وزارة الأوقاف المصرية تحقيقًا بشأن منع الفنان كريم الحسيني من الصلاة في أحد مساجد منطقة المقطم بالقاهرة.
ونشر الفنان كريم الحسيني، عبر حساباته على مواقع التواصل الاجتماعي، مقطع فيديو هاجم من خلاله عامل مسجد الشهيد أحمد حسن الجندي في المقطم، لمنعه من أداء صلاة العصر.
وقال الحسيني في الفيديو: "أنا لما أبقى ماشي على طريق وأركن وأكون عاوز أصلي العصر والساعة دلوقتي مكملتش خمسة ونص، ولسه الناس بتخرج من مسجد اسمه الشهيد أحمد حسن الجندي في المقطم، وأقوله عاوز أصلي العصر يقول لي معلش إحنا قفلنا الجامع".
وأكمل: "قلت له بتتكلم جد ولا بتهزر؟ قال لي بتكلم جد، سألته ليه طيب أنا مش جاي في صلاة المغرب، أنا جاي في صلاة العصر، ولسه الناس ماشية، اللي عاوز يصلي يعمل إيه؟"، مستطردا: "قال لي جملة في منتهى الكوميديا، قال لي: يصلي في بيته".
وتابع الحسيني سرد تفاصيل الواقعة: "قلت لو أنا مش في البيت وركنت وعاوز أصلي يكون فين؟، قال لي أنا عبد المأمور، يعني أطلع المصلية وأصلي هنا في الساحة موافق طيب، هل ممكن أدخل أتوضى، رفض وقالي أنا آسف، قلت له طيب أتيمم ولا أدخل أتوضى في كافيه".
واختتم الفنان متسائلا: "هل إحنا وصلنا لهذه الدرجة، بتكلم بجد وسؤال لكل الناس هو إحنا بنقفل الجوامع بعد الفريضة مباشرة، ده العصر مفتوح لغاية المغرب، هل ده يعقل، ردوا عليا يا أهل الخير".
