"بناتك هيبقوا عبيد".. ميار الببلاوي توجه رسالة لـ شيرين عبدالوهاب
وجّهت الإعلامية المصرية ميار الببلاوي رسالة للمغنية شيرين عبدالوهاب بعد ظهورها بوزن زائد في الفترة الأخيرة.
وقالت ميار الببلاوي في مقطع فيديو عبر حسابها على موقع "فيس بوك": "يا شيرين فوقي لنفسك ولأولادك الدنيا مش بتقف على أي راجل في العالم".
وأضافت: "اسأليني أنا.. كلنا اتصدمنا واتطلقنا وفشلنا وعندنا مسؤولية وحبينا واتسابنا. أنت مش ملك نفسك وملك الجمهور، وأنت مثل أعلى لبناتك".
وتابعت: "مينفعش بنتك تشوفك كده منهارة بالطريقة دي.. عايزة تبعتيله رسالة إنك اتدمرتي؟ مينفعش تقوليله كده أو أنت من بعده زهدتي من الدنيا؟، بس أنا بحبك يا شيرين أوي وكان عندي ولد واتعرضت لنفس الموقف ومعايا ابني واتطلقت وكنت متعلقة بيه.. ولكن الدنيا مشيت واتجوزت بعدها أكتر من مرة والدنيا مفرقتش معايا، عارفة إنك كان حبك جامد أوي، اقفي واثبتي وجودك وظبطي وزنك.. اتخضيت من وزنك".
وأضافت ميار الببلاوي: "بناتك كده هيتعقّدوا.. هيبقوا حاجة من الاتنين لما يرتبطوا، ياما هيبقوا عبيد تحت رجلين اللي هيرتبطوا بيهم".
وواصلت رسالتها قائلة: "إحنا مستنينك شيرين الجدعة المصرية الأصلية اللي بتاخد الخبطة وتقف تاني بـ 100 راجل، معرفش ليه بقولك كده يمكن عشان حسيت بوجعك أكتر من مرة.. عايزة أقولك بخبرتي دي الدنيا مبتقفش على حد يا حبيبتي وبصتك في وش بناتك بالدنيا".
aXA6IDMuMTM2LjI2LjE1NiA=
جزيرة ام اند امز
