مهرجان البحر الأحمر.. محمد سامي يكشف تفاصيل «إش إش»
أعرب المخرج المصري محمد سامي عن سعادته بالمشاركة في فعاليات الدورة الرابعة من مهرجان البحر الأحمر السينمائي الدولي.
وتحدث "سامي" عن مسلسله المرتقب "إش إش"، المقرر عرضه في موسم رمضان 2025.
وقال محمد سامي في تصريحاته على هامش المهرجان: "النهضة الفنية اللي بتحصل في السعودية حاجة عظيمة ومبهرة. مكنش حد متوقع إنها هتحصل بالسرعة دي، كانت محتاجة 100 سنة علشان تتحقق، لكنها حصلت في سنوات قليلة. تجربة لازم تُدرس، وكلنا فخورين إن السعودية بلدنا الثاني".
تفاصيل مسلسل "إش إش"
وعن مسلسله الجديد "إش إش"، الذي تلعب دور البطولة فيه زوجته الفنانة مي عمر، قال محمد سامي:
"أنا بقول لـ مي، الجمهور، وشركة الإنتاج إن مسلسل إش إش هيكون أحلى مسلسل عملته لحد دلوقتي. كنت عايز أتفوق فيه على نفسي، والممثلين من أول مي لحد كل الزملاء تفوقوا على نفسهم. الإسكريبت رائع جدًا، وهي تجربة مختلفة، ولو وصل للجمهور بالطريقة اللي عشناها بيها وحبيناها، أنا متأكد إن الجمهور هيحبه جدًا".
من جهتها، عبّرت مي عمر عن تعلقها بمسلسلها الجديد قائلة: "مسلسل إش إش خلصنا تصويره، وهو بيحكي عن حياة راقصة، وبيستعرض العالم ده من وجهة نظر مختلفة. فيه حالة إنسانية عميقة، والشخصية اللي بلعبها مميزة جدًا. أنا حبيت المسلسل ده واتعلقت بيه بشكل كبير".
ويستمر المهرجان من 5 إلى 14 ديسمبر في جدة، ويشهد حضور العديد من النجوم والمخرجين وصنّاع السينما من مختلف أنحاء العالم، إضافة إلى تكريم الفنانة منى زكي تقديرًا لمشوارها الفني.
aXA6IDE4LjExOS4xMTQuMjUwIA==
جزيرة ام اند امز
