نور خالد النبوي: مشهد لأحمد السقا وراء حبي للسينما (فيديو)

عبّر "نور" نجل الفنان المصري خالد النبوي عن حبه الشديد للسينما، مشيرا إلى أن مشهدا للفنان أحمد السقا كان وراء حبه للتمثيل.

وقال خلال لقاء مع الإعلامية منى الشاذلي عبر برنامجها "معكم" المذاع على قناة "سي بي سي" المصرية: "بحب السينما وكان نفسي أمثل".

• في فيلمه الأول.. نور خالد النبوي يرفع شعار "لن أعيش في جلباب أبي"

وأضاف: "درست اقتصاد في فرنسا.. وكنت كل شوية بعيد السنة للأمانة مكنتش بروح الجامعة أصلا.. وخالد هيزعل دلوقتي.. بس أنا كنت بروح السينما والجامعة مكانش ليها وقت.. واشتغلت في المسرح ببلاش عشان أتفرج على المسرح والأفلام".

وتابع: "كنت بغني قبل مسلسل راجعين يا هوى.. وكان ديما صاحبي يقولي صوتك وحش أوعى تغني.. ولما غنيت قعدت في العربية وقفلتها وعليت الصوت وسمعته الأغنية عشان يعرف أني بغني".

وكشف نور عن علاقته بوالده خالد النبوي، قائلاً: "بقول له يا خالد، من غير بابا، عشان مبحبش أكبره، وأنا معاه بقوله خلود، هو صاحبي، وبدأت أقول له يا خالد من الجامعة".

وأوضح نور خالد النبوي سر حبه للفن، قائلاً: "خالد النبوي خدني للسينما نتفرج على فيلم أفريكانو للفنان أحمد السقا، وشفته وهو بينط في الشلال".

وتابع: "مجرد ما شفت السقا وهو بينط في الشلال عشان يثبت حبه للفنانة منى زكي، حصل في قلبي إحساس فرحة، وكنت مبسوط جداً، وكان نفسي أعمل كده، كنت عايز أروح أنط في نفس الشلال".