رنا سماحة تهاجم فريق واما بعد أغنية "أنتش وأجري" (خاص)
تمسكت الفنانة المصرية رنا سماحة برأيها الذي انتقدت من خلاله فرقة "واما"، لمشاركتهم في التريند المنتشر عبر مواقع التواصل الاجتماعي المعروف باسم "أنتش وأجري".
وكانت الفنانة رنا سماحة وجهت عتابًا إلى أعضاء فريق "واما"، وذلك بعد قيامهم بإعادة توزيع أغنية "انتش واجرى" والرقص عليها.
وعلقت رنا سماحة على فيديو فريق "واما" عبر حسابها الشخصي بموقع "فيسبوك" قائلة: "عندي عتاب على قدر المحبة للفريق العظيم، اللي أنا واحدة من اللي اتربوا على فنهم وأغانيهم اللي تجنن (واما)، وأتمنى يتراجعوا عن الهزاراية لو اعتبرناها هزاراية اللي نزلت امبارح".
وتابعت: "للأسف الهزاراية دي فتحت وهتفتح علينا باب مستنقع كبير، وكله دلوقتي اللي قرر يوزع واللي قرر ينتج ويتعامل مع القرف ده على أنه فن، أتمنى مننساش أن الفنان قدوة وانتوا نجوم كبار وكل فرد فيكم عنده تاريخ كبير يستاهل أنه يتخاف عليه، أتمنى تقبل كلامي بصدر رحب من محبة لفنكم".
وأضافت: "قبل ما أكون فنانة صغيرة بحارب وسط كتير من محاربين العك، أنا حقيقي حزينة ومش مصدقة اللي وصلناله وأننا خلاص بقينا في عصر الترند أياً كانت قباحته".
وأعلنت الفنانة رنا سماحة في تصريحات خاصة لـ "العين الإخبارية" عن تمسكها برأيها ورفضها لما قام به أعضاء فريق "واما"، مؤكدة أنها لن تشارك في مثل هذه الترندات لأن الفنان يجب أن يكون قدوة في أفعاله وليس في فنه فقط.
وأكدت رنا سماحة أن الفن في المقام الأول يعد بمثابة رسالة أدبية أو أخلاقية تقدم للمجتمع، ويهدف إلى إمتاع الجمهور.
ودخل المؤلف أيمن بهجت قمر على خط الأزمة بين الفنانة رنا سماحة وفريق "واما" وعلق على المنشور الخاص برنا، قائلاً: "إيه المشكلة يا رنا ما فيه أغنية انتي أي كلام والسالمونيلا وكان في أبو الليف هزار على الأقل دول فرقة موسيقية وشباب بيهزر، إيه الإهانة ما هنيدي غنى اموئ وفؤاد كماننا، وطول عمر الدنيا كدا إفيهات وبتتحول لأغاني".
وأضاف: "أنا اللي سمعته من واما مفهوش أصوات، وعادي أننا نلاقي إفيه ناخده نقنن وننضفه ونقوله، إحنا نعاتبهم لو هما أعادوا الصوت القبيح لكن جملة لذيذه وهزار وهما شباب، مش فالآخر مثلا لقينا هاني شاكر بيغنيها، وحتى هاني شاكر لو حب يهزر حقه مادام مقالش كلمة قبيحة".
وتابع أيمن بهجت قمر حديثه قائلاً: "مفيش جيل بيحارب فيه فنان عنده جديد هيعجب الناس لو هيقدم شغل زي غيره مش هيعجب الناس، بره فيه أغنية بتنجح بصوت سئ بس الغنوه فيها حاجة جديدة، النجاح بقى صعب لأن المعروض كتير بس بقى سهل أنك لو مقدمة فعلا حاجة جديدة وجديدة بجد".
aXA6IDMuMTUuMjI4LjMyIA== جزيرة ام اند امز
