"اغتصاب ملكة جمال مصر".. تفاصيل مفزعة على لسان الفتاة وضبط المتهم

ضجّت مواقع التواصل الاجتماعي في مصر، السبت، بقصة عن تعرض فتاة تحمل لقب "ملكة جمال مصر" للخطف والاغتصاب.

ونقلت وسائل إعلام محلية مصرية تفاصيل "الجريمة البشعة"، مؤكدة أن المحامي العام الأول لنيابة القاهرة الجديدة الكلية أحال المتهم إلى محكمة الجنايات.

• جريمة قتل سلمى بهجت في مصر.. مخدرات وأفكار شاذة

الفتاة (ن.ع) فائزة بلقب "ملكة جمال اللطافة والأناقة العالمية" وهي خطيبة أحد الإعلاميين بقناة شهيرة.

وأكدت أن المتهم صاحب معرض مفروشات خطفها بعد أن أوهمها بانتظار (خطيبها والذي يعمل إعلاميا بإحدى القنوات) بمحل سكنه، لحل الخلافات التي نشبت فيما بينهما فأمنت له واستدرجها إلى مسكنه، وعندما وصلا اقتادها عنوة وأوصد الباب قاصدا من ذلك إبعادها عن أعين الناس واحتجزها في ذلك المكان لساعات ولم يطلق سراحها، إلا عقب ارتكابه جريمته. 

وتقدمت الضحية ببلاغ رسمي وتم التحقيق معها والقبض على المتهم بارتكاب الجريمة، ونشرت وسائل إعلام محلية مصرية أجزاء من التحقيقات.

في التفاصيل تقول الفتاة إنها كانت مدعوّة في مهرجان الإذاعة والتلفزيون الذي أقيم في منطقة مدينة نصر، بصفتها حاصلة على لقب ملكة اللطافة بمسابقة ملكة الأناقة العالمية، مضيفة: "يوم حفل الختام للمهرجان أنا روحت الساعة 5 مساء، والمهرجان ده بيقدمه خطيبي (مذيع بقناة شهيرة)، وقابلته أثناء فعاليات المهرجان".

وأضافت: "خطيبي كان معاه واحد صاحبه فوقفت معاهم، وأنا كنت شوفت صاحبه ده قبل كده، وسابنا علشان يشوف شغله، وفضل لازق لي وقعد يقولي أنا عايز اتصور معاكي، واتصور معايا على الريد كاربت، فجأة واحدة اعرفها من الميديا شافتني، جات تسلم عليا وطلبت رقمي فأنا مليتها رقم موبايل وفوجئت بصاحب خطيبي بيسجل الرقم".

تابعت: "بعد ما المهرجان خلص، طلعت برة لقيته قالي إن خطيبي قالي امشيكي بشياكة فحاولت استفهم منه، فقالي امشي بس دلوقتي وأنا هكلمك أفهمك".

وأكملت: "روحت مشیت واتصلت بخطيبي، لقيت موبايله مقفول، وأخدت عربيتي في الطريق اتصل بيا وسألني عن مكاني قولتله أنا راجعة الزقازيق، ولما عرف أني برجع من طريق السويس طلب مني استناه عند البنزينة، واستفسرت عن السبب اللي عايز يقابلني بسببه فقالي إن خطيبي في مشكلة كبيرة ومصيبة فعدى جنبي بسيارته وقالي امشي ورايا لحد ما وصلنا لإحدى العمارات".

وأكدت في تحقيقات النيابة: "نزل من العربية وقالي تعالي نقعد جوه فالمكان كان مقفول، راح قالي أنا أعرف الناس اللي هنا كلها ودخلنا وجابلي قهوة، وقعدنا، وسألته في إيه، راح قالي إن موبايله فصل، فقالي تعالي نروح على البيت زي ما خطيبك قالي فأنا رفضت، وهو قالي إن خطيبي قاله يكلمني ويخليها تسبقني على البيت وقالي إن خطيبي زمانه وصل على البيت".

تابعت: روحت معاه وقالي محمد وصل البيت وموبايله فصل على طول يلا نروحله، وقعدت أحاول أكلمه ولكن موبايله مقفول، وقولتله اطلع وإديني خطيبي على التليفون، فطلع ونزل قالي إن خطيبك تعبان وصمم إني أطلع، وقعد يقولي أنا أصلا حسيبكم لوحدكم وفي الآخر وبعد تردد طلعت".

أكدت الفتاة أنه اعتدى عليها جنسيا وأجبرها على شرب "مخدر الحشيش"، مشيرة إلى أنها لم تبلغ عن الواقعة في حينها خوفا على سمعة أهلها، وفقا لموقع قناة "صدى البلد" المصرية.