حلمي بكر: شيرين عبدالوهاب "مش في حالتها الطبيعية"
علق الملحن حلمي بكر على ما قالته المطربة شيرين عبدالوهاب في مداخلة تلفزيونية قبل ساعات، والتي سيطر عليها خفايا انفصالها عن حسام حبيب.
وقال بكر، في تصريح لجريدة "الوطن" المصرية، إن الفنانة شيرين عبدالوهاب تعاني من أزمات كبيرة خلال السنوات الأخيرة، أثرت بشكل كبير على مشروعها الفني.
وأضاف: "شيرين بقالها فترة مش في وعيها أو حالتها الطبيعية، ربنا يكون في عونها صعبانة عليا وزعلان عشانها".
ووجه الملحن المصري الكبير حلمي بكر رسالة للمطربة الشابة، قائلا: "أتمنى تركزي في حياتك وفنك وتقفي على رجلك تاني".
وخلال تصريحاتها النارية مع الإعلامية لميس الحديدي، مساء الثلاثاء، هاجمت شيرين عبدالوهاب طليقها بضراوة، واعتذرت لجمهورها عن "تصريحات كاذبة أدلت بها لتجميل صورة حسام حبيب والحفاظ على علاقتهما".
وقالت: "بما إن الناس شاهدة من الأول، فأنا في البداية عايزة أتأسف وأستغفر ربنا على الكذب اللي كذبته علشان أجمل صورة إنسان، كذبت مع إن دي أكتر حاجة ربنا مبيحبهاش وأنا بالذات لا أحب الكذب".
وسردت شيرين تفاصيل أزمتها مع حسام حبيب، قائلة: "أنا ست قاعدة مع بناتي بعد 4 سنين شايفين الويل.. قلنا نسافر الساحل الشمالي ونرجع نتبسط، بناتي وأنا نفسيتنا تعبانة ومكناش عايشين تقريباً، وكنت عايشة مع زوج مبيشتغلش تقريباً ومبيخرجش، كنت عايشة 24 ساعة في غرفة نومي، مبعملش حاجة، قاعدة وبس".
وأضافت: "أنا أخطأت في حق نفسي، وعارفة، بس سعيت إن الست المشهورة تبقى إنسانة متجوزة وتحافظ على بيتها، كنت فاكرة كده، لكن ده مكانش بيت، دي كانت مصيدة فئران"، مشيرة إلى أنها تلقت إخطارًا بـ"سرقة سيارتها التي كتبتها باسم حسام حبيب" أثناء وجودها في الساحل الشمالي.
وأوضحت: "أنا كتبت العربية باسمه كحركة أصول علشان لما لجنة مرور توقفه ويطلع الرخص ميبانش إنه ماشي بعربية مراته، وهو قال لي هعمل لك توكيل بالبيع علشان يضمن لي حقي، الواد الحقاني اللي مبيقبلش على نفسه حاجة، وفي الآخر طلع كلام في الهوا وتمثيل".
aXA6IDMuMTI5LjIxMS4xMTYg
جزيرة ام اند امز
