تامر حسني عن حفل الإسكندرية: الأضخم في تاريخ مصر (فيديو)
أعرب الفنان المصري تامر حسني عن سعادته البالغة بالحضور الجماهيري الذي شهده حفله في الإسكندرية، شمال القاهرة، مساء السبت.
ونشر تامر حسني لقطات من حفل الإسكندرية عبر حسابه الرسمي بموقع "إنستجرام"، وعلق قائلًا: "في إسكندرية إمبارح مكانتش حفلة، كان حدث مش عادي بجد عيني مكانتش عارفه تجيب آخر الجمهور".
وأضاف: "حضوركم الكريم ده هفضل فخور به طول عمري، اتشرفت بتقديمي لـ 13 موهبة مصرية من مختلف محافظات مصر، وفعلًا كسروا الدنيا بأصواتهم فوق الرائعة وعازف الساكس الصاعد المتميز اللي قدمته وموهبته كانت مفاجأة كبيرة للجمهور".
وأوضح : "فخور بالتنظيم أستاذ أدهم بكري الشاب الجميل الإسكندراني اللي كان بيحبني من وهو 15 سنة، وقولت له لو بتحبني أوي لازم تنجح ووعدني أنه هينجح، والنهاردة عنده 30 سنة، وهو من كبار منظمي الحفلات في إسكندرية، وأصبح صاحب الحفل الأضخم في تاريخ حفلات مصر".
وتابع: "بشكر رجال الأمن، مجهود عظيم في تأمين عدد خرافي زي ده لحد دلوقتي مفيش كاميرات عرفت تصور الجمهور رغم كل الصور دي بس قريب هينزل تقرير كبير عن الحفلة، وهيكون أوضح".
واختتم بالقول: "شكرا طلاب الإسكندرية حبايب قلبي شكرا لكل شعب إسكندرية العظيم الراقي المحترم، شكرا لكل الوحوش اللي تعبوا في المسرح الكبير ده، وإخراج الحفلة بالشكل العظيم ده اللي يليق بإسكندرية وشعبها".
وقدم تامر حسني خلال الحفل مجموعة من أجمل أغانيه منها: هو ده، حلو المكان، عيش بشوقك، ارجعلي، كفاياك أعذار، صعبة، حب يعجزك، من النهاردة هدلعني، ناسيني ليه، ونور عيني إلى جانب أغاني ألبومه الجديد "عشأنجي" وأغاني فيلمه "بحبك".
يذكر أن تامر حسني يعرض له حاليًا فيلم "بحبك"، بدور العرض السينمائي في مصر والوطن العربي، وقد حقق نجاحًا كبيرًا، في أول تجارب تامر حسني الإخراجية في السينما، وهو من تأليفه وبطولته، ويشارك معه البطولة كل من: "هنا الزاهد، وحمدي الميرغني، ومدحت تيخة، وهدى المفتي، أحمد عزمي، وتميم عبده، وسمر محمد متولي، وعمرو صحصاح".
