فيديو.. واقعة شديدة الغرابة: اختفاء توأم من رحم مصرية
تداولت وسائل الإعلام المصرية واقعة وصفتها بـ"شديدة الغرابة" مفادها اختفاء أجنة توأم في رحم سيدة حامل بالشهر السادس.
التفاصيل كشفها والد السيدة خلال مداخلة هاتفية في برنامج "التاسعة"، مع الإعلامي وائل الإبراشي، على شاشة التلفزيون المصري حيث قال: ""كانت حاملا في توأم، نامت وصحيت ملقتهمش.. بنتي حملت مرتين قبل كده وسقطت، أنا مش بقول فيه سحر ولا أي حاجة، إحنا مؤمنين بقضاء الله وقدره، هي كانت ماشية على علاج معين، والدكتور اللي كانت متابعة معاه كان هيولدها الشهر الجاي".
وأضاف: "هي شافت كابوس أثناء النوم أن الأجنة اختفت، وبالفعل اختفوا، بس الحمل كان موجودا، دي واخده ميعاد مع الدكتور عشان يولدها قريب، بطنها كانت كبيرة رجعت زي الأول خالص، مفيش آثار أنها سقطت، وبرضوا مش بقول فيه سحر، الله أعلى وأعلم".
بدوره وحسب ما جاء بالبرنامج قال رئيس قسم النساء والتوليد بمستشفى أرمنت محمد عز الدين، إن الحالة وصلت للمستشفى الساعة 4 صباحا وتشتكي من نزول مياه ودم من الرحم واستقبلها الطبيب المقيم بقسم النساء والتوليد بالمستشفى وقام بالكشف عليها مستخدما الآشعة التلفزيونية ولم يجد أي أثر للحمل.
وأضاف: "قالت له إزاي ده أنا حامل في 6 شهور في توأم، والطبيب اندهش وبعت لي أتاكد معاه وفعلا الآشعة مكنش فيها أي حمل وبعتناها تاني لقسم الآشعة وتأكدنا أن مفيش أثر للأجنة ولا أثر للحمل.. الموضوع شديد الغرابة والواحد أول مرة يسمع حاجة زي كده".
