3 صور قديمة تشعل الأزمة بين ياسمين صبري ووالدها مجددا
ردّ أشرف صبري والد الفنّانة ياسمين صبري، الجمعة، على تصريحاتها التي أعلنت فيها انقطاع التواصل بينهما منذ كان عمرها عامين.
ونشر أشرف صبري عبر حسابه الرسمي على موقع "فيسبوك" صورا لابنته ياسمين من حفل خطبتها الأولى وكان حاضرا.
وعلّق: "بعد ما سمعت أكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن أبوها في ضهره".
وأضاف: "أصدقاؤنا كانوا بييجو البيت بيشوفوها ولما كبرت جيبتلها عربية يا ريت الناس اللي يعرفونا وجم بيتنا يردوا.. ويقولوا ياسمين كانت عايشة في بيتي إزاي في كل مراحلها وإزاي اتخطبت وعملتلها أجمل حفلة ودي صورها".
وأكمل: "الكدب ده بيبرر بالنسبة لها سبب عدم حضورها فرح أخوها، ولو أب اهتم بفرح ابنه وزعلان إن إخواته ماجوش مش حيهتم ببنته؟".
وتابع: "أنا عملت لها حياة كريمة راقية ومحترمة وماكنتش فاكر إن الرد حيكون كده والسر اللي الناس ما تعرفوش إنها اتطلقت من الراجل المحترم الدكتور ده بسبب أمها لأنه حكالي وقالي أمها خربت بيتنا".
واستطرد: "اتجوزت من ورايا وبدون علمي بعد التربية اللي عملتهالها وعشان كده أنا مش معترف بجوازها اللي من ورا ضهري ده. وحسبي الله ونعم الوكيل".
كانت الفنانة المصرية ياسمين صبري قد أطلقت تصريحات عن طبيعة علاقتها بوالدها الذي انفصل عن والدتها قبل سنوات عدة.
وقالت ياسمين صبري خلال لقائها في برنامج "abtalks"، المذاع على يوتيوب: "جدتي وجدي لأمي هما اللي ربوني، وجدتي ست شديدة، ومامتي كانت بطلة سباحة وخلوني أتدرب وألعب سباحة من وأنا عندي 4 سنين".
وأضافت: "ماكنش عندي رفاهية الوقت وكان فيه شدة والتزام عليّ بالذات في الرياضة ولو مكسبتش ممكن أضرب بالشبشب عادي"، متابعة "طفولتي أنا بحبها، وعلاقتي بأمي هي كل حاجة في حياتي هي سافرت وحصل انفصال.. من وأنا عندي سنتين، مشفتش غير جدي وجدتي ".
وشددت ياسمين صبري على انقطاع صلتها بأبيها قائلة: "مفيش علاقة بوالدي وده مش بسبب الانفصال.. كل يوم الواحد بيبقى له اختيار وناس بتختار تكمل الطريق وتتحمل المسؤولية وفيه ناس بتختار نفسها أو أيًا كان، والانفصال مش معناه العيلة تتفكك بالعكس ده بيبقى اختيار".
