عفاف شعيب تنتقد الملابس المصرية: يومين والسوستة تتقطع

انتقدت الفنانة المصرية عفاف شعيب الهجوم على تصريحاتها بشأن نقص الملابس الألمانية التي اعتادت اقتناءها، في الأسواق المصرية.

وقالت شعيب خلال مداخلة مع الإعلامي سيد علي ببرنامج "حضرة المواطن" المذاع عبر قناة "الحدث اليوم" المصرية: "ناس فاضية وقاعدين لنا على الواحدة وتنمر، ده كلام مش لطيف، وأنا اتكلمت بصدق شديد لما المذيعة سألتني بتشتري لبسك منين".

عفاف شعيب: "صمت 3 سنين علشان أكفّر عن ذنبي" (فيديو)

وأضافت: "ليه مش بيتكلموا لما واحدة تقول إنها كلفت الفستان ربع مليون جنيه أو مليون جنيه، واتكلموا عني لما قلت لبسي ألماني!".

وتابعت: "أنا اشتريت من هنا حاجات مصري وللأسف يومين والكتف يتقطع أو سوستة البنطلون، وكان في فترة سابقة اللبس المصري هايل وحلو جدا".

وأكملت: "لما كنت في أمريكا وحبيت أشتري هدايا، كل حاجة صنع في مصر وحاجات راقية جدا، ليه ده مش متوفر هنا؟".

ووجهت عفاف شعيب رسالة للمتنمرين قالت فيها: "راعوا شعور الناس وبلاش تشيلوا ذنوب، اللي يخاف ربنا لا يؤذي مشاعر الناس".

وكانت عفاف شعيب قد تطرقت إلى هذا الموضوع خلال حوارها مع الإعلامية ياسمين عز ببرنامج "كلام الناس" على قناة MBC مصر، موضحة أنها اعتادت السفر وشراء ملابسها من الخارج، وحاليا تواجه صعوبة في العثور على ما يناسبها بسبب صعوبات الاستيراد.

يذكر أن عفاف شعيب شاركت مؤخرا في حكاية "واحد في المية" ضمن مسلسل "زي القمر"، الذي عرضت آخر حلقات موسمه الثاني في ديسمبر/ كانون الأول 2021، وشاركت في بطولته مجموعة من النجمات ضمت: درة، صابرين، أيتن عامر، مي كساب، سوسن بدر، وداليا مصطفى.