طليقة أحمد الفيشاوي تعلق على أزمة الرضاعة: "مش ناقصة تسخين"

دخلت سيدة الأعمال المصرية ندى الكامل، طليقة الفنان أحمد الفيشاوي، على خط الأزمة الدائرة في مصر، بشأن عدم إلزام الزوجة بإرضاع أبنائها.

وفي هذا الصدد، عبرت ندى الكامل عن رأيها عبر خاصية "ستوري" بـ"إنستجرام"، فقالت: "آه الست ملزمة تخدم جوزها وتراعي بيتها وحياتها، وملزمة ترضع عيالها واللي يقول غير كده يبقى إنسان عوج.. ملزمين لكن إلزام بالحب وبالفطرة.. أمال إحنا ستات ليه؟ أنا باخد بالي من ولادي وبحبهم وأتمنى إني أعيش وهما يرتاحوا.. بيتي والأولويات بتاعت بيتي أهم من أي حد".

• طليقة أحمد الفيشاوي تفاجئ جمهورها بإطلالة صادمة (صورة)

وأضافت: "اللي يقول غير كده يبقى أفاق.. كله بالحب والرضا بيمشي، أمال إنتو قارفينا ليه بحكاية نص المجتمع محنا نص المجتمع فعلًا.. الست اللي متدلعش جوزها وتحببه في حياته تبقى فقدت عنصر مهم جدًا من أنوثتها.. هو فيه أحلى من إنك تكوني متجوزة ومرتبطة بالراجل اللي بتحبيه ويكون داخل بيته وإنتي عاملة كل حاجة تريحه علشان تتبسطوا والحياة تمشي؟".

وختمت "ندى": "الست دايمًا بتدي وبتصبر لحد ما بتزهق.. لكن إحنا كستات عندنا مخزون لا ينضب من الحب والتضحية لحبايبنا.. سيبوا الستات في حالها وفي بيوتها الحكاية مش ناقصة تسخين".

تصريحات نهاد أبوالقمصان عن الرضاعة

كانت عضو المجلس القومي لحقوق الإنسان في مصر، نهاد أبوالقمصان، قد أثارت جدلًا بشأن عدم إلزام الأم بإرضاع أطفالها جدلا واسعا في الشارع المصري.

ونشرت أبوالقمصان، عبر حسابها الرسمي على موقع "يوتيوب"، مقطع فيديو قالت فيه إن القرآن لم يجبر السيدات على إرضاع أولادهن، وحال فعلها ذلك يستحق لها أجرًا.

وأوضحت أن هذا ما ورد في القرآن الكريم بسورتي البقرة والطلاق، واستشهدت بقوله تعالى: {وَالْوَالِدَاتُ يُرْضِعْنَ أَوْلَادَهُنَّ حَوْلَيْنِ كَامِلَيْنِ لِمَنْ أَرَادَ أَنْ يُتِمَّ الرَّضَاعَةَ وَعَلَى الْمَوْلُودِ لَهُ رِزْقُهُنَّ وَكِسْوَتُهُنَّ بِالْمَعْرُوفِ} [البقرة: 233]، و{فَإِنْ أَرْضَعْنَ لَكُمْ فَآتُوهُنَّ أُجُورَهُنَّ} [الطلاق: 6].

وتابعت: "محدش قال الأم ما ترضعش ولادها، وأنا شخصيا رضعت ولادي الثلاثة الحمد لله، بس اللي يقول لمراته مثنى وثلاث عليه يوفي التزامات الأولى ويدفع اللى عليه أولًا".