السيسي في أول تعليق عن صندوق قناة السويس.. ماذا قال؟
بعد حالة الجدل التي شهدها الشارع المصري والرأي العام بسبب قناة السويس، حسم الرئيس عبدالفتاح السيسي الأمر بشفافية مطلقة وفرص واعدة.
وقال الرئيس المصري عبد الفتاح السيسي إن أي طرح لقناة السويس في البورصة سيكون مخصصًا للمصريين فقط، وسيكون جاذبًا بشكل كبير.
وقال السيسي بشأن صندوق قناة السويس: كان مفروض قبل الأمر ما يُثار في البرلمان يتعمل مؤتمر صحفي ويُطرح للناس، ونقول لهم الحكاية كذا.
وأضاف السيسي: النهارده لو جيت طرحت شركة قناة السويس في بورصة للمصريين فقط؛ علشان يبقى الناس اللي هتشتري الأسهم من المصريين بس.. في فرق أقول القناة دخلها كده، وأن أقول في أموال سائلة في البنوك 200 أو 300 مليار جنيه.
وتابع الرئيس: أنا مش اقتصادي، بس الاقتصاديين يردوا عليَّ.. من الأفضل يتقال إن القناة لها حسابات في البنوك فيها 100 مليار أو 200 مليار، ده مستوى تاني خالص أكتر من اللي موجود.
فرص رائجة نحو استدامة التنمية
وتحدث الرئيس عبدالفتاح السيسي عن المشروعات المنافسة لقناة السويس، خلال افتتاحه، اليوم الإثنين، مصنعَي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبورواش بمحافظة الجيزة.
وأضاف الرئيس السيسي مخاطبًا الحضور: "مش ساعات بتقولوا فيه مشروعات هتتعمل قد تؤثر على دخل قناة السويس في يوم من الأيام؟ مش بتقولوا كده؟ طيب ده يخليني أعمل إيه؟ هيتأثر بنسبة 10% مثلًا دخل القناة، ده كلام نظري خالص بس برد علي".
وتابع الرئيس: "لازم يبقى عندي دخل وأعمل مشروعات تانية وشركات تانية وأقدر بالملاءة المالية الموجودة أدخل في مشروعات بأكتر من كده بكتير، لأن المشروع هياخد سنة واتنين وتلاتة علشان يخلص".
ومن جانبه، قال الدكتور هاني جنينة، الخبير الاقتصادي والمحاضر بالجامعة الأمريكية، إن الحديث عن طرح شركة قناة السويس في البورصة للمصريين أمر إيجابي خاصة أنه يقلل المخاوف من دخول أجانب، مؤكدا أن الحكومة إذا طرحت 5% فقط من شركة قناة السويس سيسهم في توفير سيولة كبيرة، خلافا إلى أن ذلك سينعكس على الاستثمار بالبورصة بشكل مباشر، وعلى جعل المواطنين شركاء في المشروعات القومية.
وأضاف أن حديث الرئيس عن صندوق قناة السويس أوضح الرؤية حول الصندوق وتفكير الدولة وتقليل المخاوف التي ترددت الفترة الماضية.
وتابع أن عمليات طرح مشروعات حكومية كبيرة للمستثمريين المصريين أمر إيجابي يحقق النفع العام، مشيراً إلى تجارب عدد من الدول في هذا الأمر منها تركيا، حيث طرحت شركة الطيران التركي في البورصة وقت أزماتها الاقتصادية في بداية القرن الجاري.
توجيه 10% من إيرادات القناة إلى صندوق استثماري
فيما أشار الرئيس المصري إلى أن حصيلة إيرادات قناة السويس بلغت 220 مليار دولار منذ عام 1975، مشيراً إلى أنه لو تم الاحتفاظ بنسبة 10% فقط من هذا المبلغ في صندوق استثماري لما وصل الوضع إلى ما هو عليه الآن.
وقال الرئيس عبدالفتاح السيسي عن أرباح قناة السويس منذ عام 1975 بلغت نحو 220 مليار دولار، معقبا: "بتكلم عن الافتتاح الجديد سنة 75 قناة السويس جابت 220 مليار دولار، لو حد كان شال 10% من الرقم ده وحطه في صندوق، كان زمان النهاردة بنتكلم معايا 50 مليار دولار.. لكن يدخل يعمل تطوير في القناة ما عملوش.. يدخل مع حد مشروعات ما عملوش.. عاوز يعمل خدمة مجتمعية متقدمة لمدن القناة ما فيش.. قلتله لا ما ينفعش الكلام ده".
وأضاف السيسي «لما جه الفريق أسامة ربيع في 2019 بقوله قولي عندك أموال إيه قالي لا أنا معنديش حاجة قولتله أله يعني أنت لما تيجي تعمل مشروع لقناة السويس لتطويرها هتعمل إيه قالي هروح لوزارة المالية ولا بأس وده النظام».
وتابع: «قولتله أنا عايز أقول لكم على حاجة، في البلاد اللي زي حالاتنا اللي ظروفها الاقتصادية متستحملش الكلام ده لازم يكون في أوعية على جنب والكلام ده أنا عملته في وزارة الصحة، وفي دلوقتي 70 مليار يا دكتور.. طب ليه عملت الصندوق ده في وزارة الصحة، عملته عشان التأمين الصحي».
واستشهد الرئيس السيسي، بصندوق وزارة الصحة والسكان الذي أنشئ لتمويل المشروعات ورفع كفاءة المستشفيات في ضوء الارتفاع في معدلات الطلب والتكلفة في قطاع الصحة، إلى جانب صندوق وزارة الإسكان الذي يتم من خلاله توفير السيولة لإنشاء مليون وحدة سكنية سنويا.
وبدوره، قال محمد عبدالرحيم المحلل المالي إنه بمجرد حديث الرئيس عن طرح شركة قناة السويس للمصريين في البورصة انعكس مباشرًا على السوق، وارتفعت الأسهم لتحقق أرباحا بلغت قيمتها 13 مليار جنيه في جلسة اليوم.
وأضاف لـ"العين الإخبارية" أن السوق ينتظر مثل هذه الطروحات قائلاً أعتقد إن الحكومة ستضع مجموعة من الضوابط على عمليات الدخول وشراء أسهم في شركة قناة السويس، حيث ستقصر على المصريين فقط، وهو أمر متاح في البورصة المصرية بحسب تجارب سابقة.
وارتفعت البورصة المصرية بشكل ملحوظ بنهاية تعاملات اليوم تزامنا مع حديث الرئيس المصري عبدالفتاح السيسي عن طرح شركة قناة السويس في البورصة المصرية للمصريين ، ليقفز المؤشر الرئيسي بنحو 1.2% إلى 14560 نقطة، بعد أن ربحت الأسهم المصرية تحو 13.2 مليار جنيه ليصل رأس المال السوقي للأسهم المتداولة إلى 954.7 مليار جنيه وسط تعاملات بلغت قيمتها 2.1 مليار جنيه.
حصانة وشفافية ورقابة
وأضاف الرئيس السيسي، خلال افتتاح مصنعي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبورواش بمحافظة الجيزة:"جه الدكتور معيط والدكتور مصطفى.. لا يا أفندم والنبى إرحمنا والفلوس اللى هتخصمها علشان الصندوق مش هنقدر، قلتله يا دكتور مصطفى افتكر لما جت أنت والمهندس شريف الفلوس بتاعتك ما تتحولش وقلت خليها عندك في وعاء، وكنت متحمس للفكرة، وجه المهندس شريف ووزير المالية قلتلهم اسمعوا كلامي وهتشوفوا، دلوقتي وزارة الإسكان بقت بتشتغل بـ8 مليارات جنيه في الشهر.. وزارة الإسكان وهيئة المجتمعات بتشتغل بـ 8 مليارات جنيه في الشهر، بلد عايزة مليون وحدة سكنية في السنة يبقا الوزارة دي تعملها 400 ألف والقطاع الخاص يعمل شوية كمان معاه علشان ميبقاش اللى إحنا شايفينه في العشوائيات".
وتابع الرئيس السيسي "أمال الصندوق دخل البرلمان ليه؟.. علشان يديله حصانة برلمانية ما حدش يقدر ياخد منه ولا يتصرف فيه طبقا للمعايير اللى تم التصديق عليه بيها والقواعد اللى اتحطت وأجهزة الدولة الرقابية تفتش عليه وجهة سيادية مسؤولة عليه برضه وكل حاجة.
aXA6IDE4LjE5MS4xNjUuMTQ5IA==
جزيرة ام اند امز
