فن

عمرو دياب يشعل مواقع التواصل بعناق دينا الشربيني على المسرح

السبت 2018.10.20 12:13 صباحا بتوقيت أبوظبي
  • 173قراءة
  • 0 تعليق
عمرو دياب ودينا الشربيني

عمرو دياب ودينا الشربيني

فاجأ نجم الغناء المصري عمرو دياب الجمهور، خلال حفل أحياه مؤخرا بإحدى الجامعات الخاصة بمدينة السادس من أكتوبر في مصر، باستدعاء الممثلة المصرية دينا الشربيني للصعود على خشبة المسرح، حيث احتضنها وأدى أغنيته الشهيرة "برج الحوت". 

وبعد صعود دينا الشربيني، قال المطرب المعروف بالهضبة: "هي ممثلة جامدة بس بتتكسف.. الوقفة على المسرح صعبة.. وأنا بس علشان برج الحوت ما دام موجودة يبقى نقول إيه.. والله بحبك موت وأحب برج الحوت". 


تصرف عمرو دياب قابلته موجة من التعليقات على مواقع التواصل الاجتماعي، خاصة بعد الشائعات التي ترددت عن وجود علاقة تربطه بالممثلة دينا الشربيني، ووصلت إلى حد الزواج.


وكتب محمد سعيد: "الفيديو ده فيه أغلب أسباب حبي لعمرو دياب.. جرئ.. صريح ومش متلون ولا مسهوك.. وماشي بمزاجه"، أما "ليلى" فكتبت: "الحب يا جماعة"، وكتبت شيرين: "لو مش أد الحاجة ما تعملهاش.. الحب للشجعان فقط".

فيما علقت دينا الحلفاوي: "عمرو دياب كل يوم بيثبت إنه راجل وقوى ومحترم.. هو مش بس راضاها، لا ورجع لها كرامتها ووصل اللي غيرانين إنهم ينتحروا".

كذلك علقت إيمان عبدالله: "بعيدا عن إني اتبسطت لما شفت عمرو دياب ودينا سوا وضحكتهم عالمسرح، بس الجماعة الهبيدة اللي بيقولو الحب للشجعان وللرجال أحب أقولهم إن الرجال ما بيخونوش زوجاتهم، ده أولا، وثانيا الرجالة لما بتحب بتتجوز مش بتصاحب.. ثالثا لما هو شجاع سايبها تُنتَقَد بقالها سنتين بسببه وساكت ليه؟!".

وكتبت أخرى: "س: ما هو تعريف أزمة منتصف العمر ؟.. ج: ارتباط عمرودياب بديناالشربينى".

وكتبت مارلين: "دائماً أقول أن الحب الحقيقي مايتخبى،، وحب الرجل لو ما فيه شجاعة مايكمل، #عمرو_دياب يظهر حبه لـ #دينا_الشربينى أمام الآلاف ويغنيلها: والله بحبك موت وأحب برج الحوت".

وكتبت أخرى: "أنا كنت زمان فاكراه، مش راجل اقصد راجل بجد ، بس طلع راجل بيخون ويتجوز على مراته ويطلق مراته علشان حب تانى.. هو من الاخر إنسان زينا".

وكتب محمد منتصر: "عمرى ما كنت من سميعة #عمرو_دياب لكن مش قادر افهم ليه الناس مستكترة عليه إنه يعمل اللى ممكن أي حد يعمله عادي.. حب واحدة غير مراته.. طيب وأنتم إيه اللى مزعلكم فى كده؟!".

وبدت منى غاضبة وهي تكتب: "أنا مش شايفة إن علاقة #عمرو_دياب و #دينا_الشربينى علاقة مبهرة ولا فيها شجاعة ولا فيها حاجة تستاهل الضجة اللى بتحصل عليها دي، هي مش نموذج ناخد بيه فى حياتنا ولا مثل نتمنى نبقى زيه، العلاقة ليها حدود دينية وأخلاقية، مش صح انك تكسرها، قوة الحب أنك تأسس العلاقة على الحدود دى مش تكسرها".


تعليقات