حلاق مصري يشعل النار على رؤوس زبائنه
حلاق مصري يدعى محمد حنفي، يستخدم النار في فرد وتصفيف شعر زبائنه
اللعب بالنار ليس مجرد وسيلة تسلية لحلاق مصري يدعى محمد حنفي، فهو يستخدم النار في فرد وتصفيف شعر زبائنه.
وقال حنفي، الذي استوحى الفكرة من فيديو لحلاق باكستاني شاهده على موقع يوتيوب، إن لتلك التقنية مزايا عديدة.
وأضاف الحلاق الذي يقول إنه يحرص على متابعة أحدث أساليب قص وفرد الشعر في العالم: "الفرق بين الفرد العادي والفرد بالنار أن الفرد بالنار بيفرد الشعراية (الشعرة الواحدة) أقوى من الفرد العادي.. بيديها (يتيح لها) وقت أطول إن هي تستمر مع الشعر لمدة شهر، شهر ونص.. بيحافظ على لون الشعراية زي ماهي، بيقضي على تقصف الشعر، وبيساعد في إن أنا أقضي على القشرة مع الفرد بالنار".
وبعد مشاهدته فيديو الحلاق الباكستاني أصر حنفي على أن يتعلم تلك التقنية وظل يجري تجارب عديدة حتى أتقنها.
وأردف "أول مرة فكرت إن أنا أشتغل بالطريقة دي كنت قلقان طبعاً لأن أنا ما اشتغلتش بالطريقة دي قبل كدة. وكنت كمان صعب إن أنا أقنع أحد بالموضوع... إزاي هأقول له هأولع في شعرك وشعرك حيفضل سليم زي ما هو.. لا وهيتحسن كمان. فكنت قلقان طبعاً أول مرة. ولكن الحمد لله بدأت من أول مرة اشتغلت فيها كان الموضوع معايا في الشغل يعني".
ويتوافد عشرات الصبية من المراهقين على صالون حنفي في منطقة شبرا الخيمة بالقاهرة يوميا لفرد شعرهم بالنار.
وقال زبون لحنفي يدعى سعيد عاطف "أنا لما تفرجت عليه على يوتيوب ولقيت أصحابي كثير جربوه وقالوا لي الموضوع تم بنجاح والحمد لله. فحبيت إن أنا أجرب وآجي أشوف هو هينفع ولا مش هينفع. فلما جربت مفيش أي ضرر لشعري. بينعم الشعر وبيفرده كويس جداً وبيقعد مدة طويلة. لقيت الموضوع كله بنجاح والحمد لله".
ويقول حنفي إن استخدام النار في فرد الشعر يناسب الشعر الكثيف بشكل أكبر لأنه أكثر تحملا للحرارة.
aXA6IDE4LjExOS4xMDUuMjM5IA==
جزيرة ام اند امز