«بنتي الملاك رح تبقى ملاك».. أصالة ترد على أزمة ابنتها شام برسالة طويلة
وجّهت الفنانة أصالة نصري رسالة مؤثرة إلى ابنتها شام الذهبي عبر حسابها على "إنستغرام"، في أول تعليق منها عقب قرار السلطات المصرية إغلاق العيادة الخاصة بشام.
جاء ذلك بعد حملة تفتيشية كشفت عن مخالفات قانونية، استدعت اتخاذ إجراءات رسمية بحق العيادة الخاصة بشام الذهبي.
أول تعليق من أصالة بعد غلق عيادة ابنتها
في منشور مطوّل، كتبت أصالة: "كتير مرّينا أنا والولاد بإمتحانات صعبة وأيام أصعب، وبكلّ مرّة، ما كان عندي شك بعدل رب العالمين، وكانت حياتي من بداياتي لليوم عبارة عن جملة بتقول: (الناس الأشرار قلال بس بيوجعوا، ولازم دايمًا، مهما كترت الجروح والصدمات، نقارنهم بالكتار، ونتذكرهم لنعرف إنهم مهما كتروا قلال)".
وتابعت: "نحنا اليوم بإمتحان من هالإمتحانات، وبيمرّ ورح يمرّ، وشام هيي النور اللي مضوي حياة آلاف البشر، أنا منهم... بنتي الملاك رح تبقى ملاك، وما رح يوجعها أكتر من وقته الوجع، ودواها نحنا أهلها، اللي كان إلنا سعادة تكون شام منّا وفينا".
أصالة تساند ابنتها شام الذهبي
أضافت: "شام، حبيبة الحياة وأهلها، طاقة العلم والتهذيب والعطاء، عم تمرق من شارع ضيّق بهالحياة، اللي فيها شوارع مضواية بأهل، إنتوا منهم يا طيبين، يا أهلنا وأصحابنا وناسنا. وهالشارع، مهما ضاق، رح يخلص، ورح تطلع منّه من غير ما تشوف وراها، أو حتى تتذكر شو كان هالمرور صعب".
وأردفت: "ما في مرور إلا وبتصادفه عثرات، والعثرات بتكبر وبتكتر لما هالمرور من رحلة هالحياة بيكون مو عادي، ونجاح شام مو عادي، ومرورها بهالحياة أكيد حيصادفه عثرات، وأكيد حيكون فيه صعوبة حتى بتحقيق السهل... كل القلوب الحلوة، يا حلوة الحلوات، معك وبتدعمك، وقلبي قبل إيدي وروحي ملكك وتحت أمرك، وبدعي لك، وبتوسّل ربي برحمته يحتويكي".
وختمت: "بتصير أشياء بتكون عكس شو توقعنا وبتصدمنا لتقوّينا، وترجّعنا أحلى وأقوى وأحنّ وأهدى، وشامي الحلوة، حلوة وهاديه وإنسانة، وكل طاقات الفرح والفرج رح تتهيأ لها، والله مع المخلصين".
تفاصيل قرار إغلاق عيادة شام الذهبي
أصدرت وزارة الصحة المصرية قرارًا بإغلاق العيادة الخاصة بشام الذهبي، ضمن حملة تفتيش موسعة شملت عددًا من العيادات والمراكز الطبية، هدفت إلى التأكد من استيفاء هذه المنشآت للتراخيص الرسمية ومدى التزامها بالقوانين المنظمة لممارسة النشاط الطبي.
وبحسب ما أعلنته الجهات المعنية، فقد تبيّن أن العيادة لم تكن مستوفية للشروط القانونية، حيث تم العثور على كميات من الأدوية غير المسجلة في هيئة الدواء المصرية، بالإضافة إلى أجهزة طبية غير مرخصة. وقد تم تشميع العيادة، وتحرير محضر رسمي بالواقعة، وأُحيل الملف إلى النيابة العامة لمتابعة التحقيقات واتخاذ الإجراءات القانونية اللازمة.
كانت شام الذهبي قد نالت تكريمًا رسميًا خلال فعالية "يوم الطبيب المصري"، ما جعل قرار الإغلاق لعيادتها مفاجئًا في توقيته، خصوصًا بعد ظهورها الأخير في مناسبة احتفائية.
