"كله بوس".. باسم سمرة يستعيد ذكريات فيلم "أحاسيس"

استرجع الفنان المصري باسم سمرة ذكرياته مع فيلم "أحاسيس" إنتاج عام 2010، قائلًا إنه "فيلم حلو وكله بوس".

وأضاف باسم سمرة، في لقائه مع برنامج "واحد من الناس" تقديم الإعلامي عمرو الليثي: "كان عندي فيلم حلو أوي اسمه أحاسيس، كان فيه بوس وكده وكان عامل شغل حلو".

• أغرب رد من باسم سمرة على معجبة طلبت منه الزواج

وتهرب "سمرة" من المشاهد الجريئة والقبلات في أحداث الفيلم الذي أثار ضجة كبيرة في مصر وقت عرضه، وقال ساخرًا: "أحمد عزمي كان هو اللي بيبوس، مش أنا".

باسم سمرة: أنا ضد الرقابة

وعن رأيه في الرقابة، قال باسم سمرة: "أنا ضد الرقابة، رأيي أن الممثل يبقى رقيب على نفسه، أو متبقاش رقابة سياسية تبقى رقابة أخلاقية، ليها علاقة بعاداتنا وتقاليدنا".

وتحدث الفنان المصري عن جوانب من شخصيته، قائلًا: "قبل ما أتجوز كنت راجل مقطع السمكة وديلها، بس دلوقتي لا، علشان خلاص كبرنا وبقى عندنا عرايس".

وأضاف: "أنا مراتي بنت عمي، وأنا زوج عملي ومش رومانسي خالص، وبحب أحافظ على البيت، وبحب كل حاجة تبقى مترتبة وبتوقيتات".

باسم سمرة: "مش هجوز بناتي وهقعدهم معايا"

وتابع: "أنا صاحب الكلمة في البيت، مش عشان الذكورية ولا حاجة، بس أنا أكتر خبرة وحريص على بيتي وبحب بيتي جدا، والمركب اللي ليها ريسين بتغرق".

وكشف "سمرة" جانبا آخر من شخصيته، قائلا: "أنا مش مودرن، لو شايف الحاجة صح هعملها"، وأنه كان يرغب في إنجاب ولد لكن لم يقدر الله.

وعن علاقته ببناته، قال باسم سمرة: "بحب بناتي ومش هجوزهم، هقعدهم معايا، وهما بيحبوا الحيوانات جدا والخيل والزراعة والرسم والرحلات".