كارمن لبس تروي معاناتها مع التحرش: خوف وتشويه سمعة (فيديو)

حلت النجمة كارمن لبس، ضيفة على برنامج "شو القصة" تقديم الإعلامية اللبنانية رابعة الزيات.

وخلال الحلقة كشفت كارمن لبس عن السبب الذي دفعها إلى الابتعاد عن الساحة الفنية لفترة قائلة: "إنها تعرضت للتحرش في بداية مسيرتها الفنية، الأمر الذي دفعها إلى الابتعاد، والعودة للفن وعمرها 33 عاما، عندما باتت قادرة على صد المتحرشين من المخرجين والمنتجين".

• صفاء أبوالسعود.. شائعة غريبة أفسدت حياة نجمة "سهراية"

وروت كارمن لبس حكايتها مع التحرش قائلة: "تعرضت لأول محاولة تحرش وعمري 9 سنين، من أحد الجيران، بابا كان قاسي علينا، ويبخاف أروح عند صحباتي لإن عندهم أخوات ولاد، مكانش يعرف إن الخطر موجود حوله".

واستكملت كارمن لبس حديثها قائلة: "كنا بنخاف نتكلم، لأننا كنا في فترة حرب، وممكن تحصل مشاكل كتير، ممكن حد يموت، ممكن أقول لأبويا يروح يقتل حد، فممكن تحصل حاجة مؤذية، قلت لأمي، قوتني، وقدرت أواجه هذا الشخص بعمر صغير".

ووواصلت حديثها: "تاني مرة، واجهته وقولت له إذا لو قربت خطوة واحدة، هقول لأهلي، وهفضحك، وكنت لسه صغيرة، وهو كان راجل، وفجأة لاقيته ركع، ومسك إيدي باسها، وقالي متفضحنيش وهرب، وبنته كانت صاحبتي، تفاجئت، هذا الشخص بنته في البيت بتخاف منه".

وأضافت كارمن لبس: "عندما دخلت الوسط الفني، بقى يجي منتج عاوز يعملني نجمة السنة، وأنا كنت عاوزة أمثل وآخد أدوار، مش طموحي أكون نجمة، وبعدها يجي مخرج، فأخدت قرار إني مش قادره أقف قدامهم، خاصة إني لما قلت لأ، تشوهت سمعتي، إن مبروحش التصوير في وقته، وبطلب الكثير من الأموال وبعمل مشاكل، فأخدت قرار، خليني على مستوى ضيق، اشتغلت مسرح، وتركت الدراما، واشتغلت كورال وكورس وهندسة صوت، اشتغلت كل شيء في الفن، وبقى عمري 33 سنة، وبقيت قوية كفاية، إن مفيش حد يقدر يضحك عليا، أو إذا قال جملة أخاف منها، وبقى معنديش حاجة أخبيها، ومعنديش خوف حد يطلع عليا إشاعة".