القصة الكاملة لأزمة زواج ذوي الهمم بين جوري بكر وجيلان علاء ووالدة العروس
شهدت الساعات الماضية تفاعلاً واسعاً مع تصريحات متباينة حول زواج فتاة من ذوي الهمم، بعدما دخل عدد من الفنانين وأفراد أسرة العروسين على خط النقاش الدائر عبر منصات التواصل الاجتماعي.
تصدرت قضية زواج فتاة من ذوي الهمم من شاب من الفئة نفسها اهتمام المتابعين، عقب تصريحات للفنانة جوري بكر عبرت خلالها عن رفضها للفكرة، قبل أن ترد الفنانة جيلان علاء، ابنة خالة العريس، كما دخلت والدة العروس على خط التعليقات المتداولة.
تصريحات الفنانة جوري بكر
وقالت جوري بكر: "أنا ضد زواج ذوي الهمم، شوفت بوست واحدة من ذوي الهمم بتتجوز، هل ده في شرع ربنا؟ هل دول يجب عليهم الزواج؟ ولا الناس بتاخد الكلام على مزاجها؟".
وأضافت: "عشان لو ده حصل، يبقى حرام وربنا ميرضاش بيه، الأطفال الأبرياء دول مش بيتجوزوا، من إمتى الداون بيتجوز؟!".
رد الفنانة جيلان علاء
وفي المقابل، حرصت الفنانة جيلان علاء على الرد على المنتقدين لزواج ابن خالتها من فتاة من ذوي الهمم، في منشور عبر حسابها الرسمي على موقع فيسبوك.
وكتبت جيلان علاء: "معلش أحب أرد بس بصفتي بنت خالة أدهم تامر العريس، فقرار جواز سما وأدهم ده قرار اتنين بالغين عارفين هما بيعملوا إيه، وليهم أحاسيس ومشاعر وبني آدمين وليهم أهل مثقفين ومتعلمين وعارفين ولادهم بيعملوا إيه".
وتابعت: "خالتي والدة أدهم الدكتورة ندى أبو المجد دي من أشطر وأشهر دكاترة الإدمان في مصر، ووالدة ووالد سما ناس متعلمين ومثقفين ومحترمين وعارفين هما بيعملوا إيه كويس أوي، فطالما الزيجة دي مش هتضر حد في حاجة يبقى بلاش نعكر فرحتهم ولا فرحة أهلهم".
وأضافت في ختام منشورها: "عشان إحنا كلنا كنا فرحانين ومبسوطين من قلبنا عشان دول أنقى وأطهر من خيالكوا.. اتمنوا لهم الخير والفرحة والسعادة وبس".
ومن جانبها، علقت والدة العروس على تصريحات جوري بكر عبر حسابها على موقع فيسبوك، وكتبت: "محدش يرد على النكرة اللي محدش يعرفها غير أهلها عشان هو ده هدفها تركب التريند وأهو بالمرة الناس تعرفها يمكن تشتهر والناس تعرفها يا حرام".
