فيروز مع نجلها "هلي" لأول مرة.. أخفته 6 عقود لظروف خاصة (صور)

نشرت ريما الرحباني، ابنة الفنانة فيروز، صورا لوالدتها برفقة شقيقها "هلي" وعمها زياد، عبر حساباتها على مواقع التواصل الاجتماعي.

جاء ذلك خلال القداس السنوي للذكرى 36 لرحيل زوج فيروز الموسيقار عاصي الحلاني، وسجلت ظهورها للمرة الأولى، مع نجلها هلي الرحباني.

• فيروز تطل بصورة جديدة.. "شي زهرة حمرا وبس"
  

وكتبت ريما :" فيروز (إمّي) ،زياد (أخوي) ، وهلي الرحباني (أخوي) ، الثلاثاء ٢١ حزيران ٢٠٢٢ في تمام الساعة ٨ و ٢١ دقيقة، كنيسة السيّدة - المحيدثة - بكفيا كنيسة العاصي، القداس السنوي عن راحة نفس عاصي (أبوي)، وليال الرحباني (أختي) مع الصديق الأبونا ملحم".

وأضافت: "مش من زمان كتير فهمت إشيا كتيرة..أسئلة كتير كنت أطرحها بيني وبين حالي، أطرحها على خوارنة ومطارين.. ع فلاسفة ومؤمنين.. فتش عنها بالكتب والأناجيل.. وولا مرّة حدا يجوبوا ريّحني او قنعني! ليه هلي خلق بهالعيلة؟ وليه صار معو هيك؟ ليه عاصي فل بكير؟ وليال فلّت أبكر من بكير!... وليه؟ وليه؟ ولَيْهات كتيرة ضل أسألها.. ونفسي ما ترتاح من الوَجع ومن الأسئلة ..أسمع كلام كتير ما يعنيلي شي ما يحرّك فيّي شي!".

وقالت ابنة فيروز : "ضريبة الشهرة.. مقابل كل فرح في وجع!.. مقابل كل نجاح في بِكي.. وما كانت تِرضى نفسي ولا تِستَكين .. وربنا شو؟ بيَعطي وبياخد؟ ربنا ليه راضي بهالظلم كلّو على هالارض الواسعة؟ ليه ما وزّع كَرمو على كل الناس بالعَدل والتَساوي؟ ليه؟ ليه؟ اي اي ما بنكر إنّي مرّات "كتير بكيت وصلّيت انا وحالي ووحدي إحتجّيت! وزعلت منّو وما عدت احكيه..بس مش من زمان لقيت الجواب".

وأضافت ريما الرحباني: "هلي بيناتنا نحنا بالذات ت نضَل ماشيين عَ الأرض! هلي حمانا من ضو الشهرة والمال والجاه والتكبُّر والتعجرُف وكل ملذّات الحياة الفانية، هلي نقّى نفوسنا وقلوبنا وطهّرها! هلي رد عنّا ضربات الحقد الماكر والحسد والغيرة، هلي خلانا نضل مجموعين وخلّا هالبيت ما يعيش فيه الا الحُب، وخلا قلوبنا توزّع حب وفرح عالناس كل الناس، خلانا مرتبطين بالناس البُسطا اللي بيشبهونا ومنشبهن! مش عن عبث بِكره الحياة الاجتماعية اللي مليانة تصنّع وكذب وسطحية وظهور وحفلات وعهر وكفر وبَطر ونجومية!".

وتابعت: "مش عن عبث ما برتاح إلا مع الناس الطيّبين بالضياع الخجولة والفلاحين والزرّاعين والحطّابين والعمّال الكادحين.. لاء.. منّي شيوعيّة.. لاء انا مسيحيّة وهيك بتكون المسيحيّة الحقيقيّة! مش اللي مغطسة بتيجان الدهب ولا بالصلبان المشطوبة، ما حدا علّمني ما حدا ربّاني ما حدا لزَمني.. كون هيك!"

وختمت قائلة: "هلي اللي ما بيِحكي وما بيِسمع وما بيِمشي هوّي اللي علّمني كل هول علّمني سامح وحب وأعطي أهلي عمري وحياتي متلما هوّي عطانا، وبحسب قناعة عاصي وكلام عاصي إلي "هلي وزّع ذكاه عليكي إنتي وزياد وليال بالتساوي! ولهيك لازم كتير تحبّوه لهلي!" أي يا بيّي هيّاني عم قول اللي بدَّك ياني، إنتَ وساكٍن العالي، قولو هلي يا ملاك البيت".

وقالت تقارير صحفية: "لم تكن المفاجأة ظهور فيروز فقط بل ظهور ابنها هلي الرحباني، والذي أخفته 60 عامًا عن الأضواء إذ ينتمي لذوي القدرات الخاصة".