حسام حبيب يدافع عن شيرين بعد جدل حفل موازين

أكد الفنان حسام حبيب أن مشاركة شيرين عبد الوهاب في حفل ختام مهرجان موازين بالمغرب جاءت بدافع تقديرها الكبير لجمهورها المغربي.

وأوضح حسام حبيب في تصريحات صحفية أن شيرين رغم حالتها الصحية غير المستقرة، قررت السفر والوقوف على المسرح احترامًا لمحبيها، قائلاً: "يمكن هي ما بتروحش حفلات كتير، بس حفلة زي دي ما كانتش هتفوّتها عشان جمهور طول عمره واقف في ضهرها".

وأشار إلى أن شيرين لم تكن في أفضل حالاتها، لكنها التزمت بالموعد وصعدت على المسرح، وحرصت على تقديم ما تقدر عليه، مضيفًا: "مش مستنية المقابل من الحفلة، ولا عمري شفتها بتقيس الأمور بميزان الفلوس، ولو كانت بتفكر كده كانت اشتغلت في الخليج اللي أجره بيعدي أضعاف أضعاف".

وتابع: "الكل عارف أن أجر حفلات شمال إفريقيا وأوروبا ما يقارنش بالخليج، بس شيرين ما حسبتهاش كده، هي شافت ناس بتحبها وقالت لازم أكون معاهم".

ودعا حبيب الجمهور إلى النظر لما فعلته شيرين من زاوية مختلفة، وقال: "اللي شافته وراحت بيه ما حدش كان هيعمله، وخصوصًا إنها مش راجل، والمجهود اللي عملته مش سهل.. أتمنى الناس تراعي ده".

واختتم حديثه قائلاً: "اللي شيرين عملته يستحق الدعم، وده مش دفاع عنها لمصلحة، أنا بقول رأيي الشخصي، وهحاسب عليه قدام ربنا، لأنها تستحق التقدير"