هل تنجح تطبيقات التعارف فعلا؟ نور عبدالحليم: صديقي خطب من خلالها (خاص)

عبّر الفنان نور عبدالحليم عن سعادته الكبيرة بمشاركته في فيلم "هيبتا.. المناظرة الأخيرة "، مؤكدًا أن التجربة خطوة مهمة في مسيرته الفنية، خصوصًا أنها أولى مشاركاته السينمائية.

وقال عبدالحليم في تصريحات خاصة لـ"العين الإخبارية": "أقدم في الفيلم شخصية صاحب كريم قاسم- بطل الفيلم- صاحبه الجدع الذي دائمًا ما يقف إلى جانبه، والشخصية فيها خفة ظل وطيبة، لكنها متسرعة شوية في الكلام، يعني بتتكلم قبل ما تفكر، وده اللي بيوقعها في مواقف صعبة أحيانًا",

وأضاف: "الدور قريب مني جدًا وأتمنى يعجب الناس، خصوصًا إنه أول ظهور لي في السينما، فالموضوع بالنسبة لي فرحة كبيرة جدًا".

وتابع مبتسمًا: "مش طالع في الفيلم شخصية سامة (توكسيك) زي ما البعض ممكن يتخيل، بالعكس أنا في العمل متزوج، وعلاقتي بمراتي مستقرة ولطيفة جدًا، لكن في مواقف بتخلي الشخصية تتصرف بطريقة غير محسوبة. وده جزء من حلاوة الدور، لأنه بيكشف الجانب الإنساني في كل شخص، إننا ممكن نغلط من غير قصد".

ما المختلف في الجزء الثاني من "هيبتا"؟

وتحدث نور عبدالحليم عن اختلاف الجزء الثاني من الفيلم عن الأول قائلًا: "الجزء الثاني مختلف تمامًا عن الجزء الأول، خصوصًا مع دخول موضوع الذكاء الاصطناعي (AI) في القصة. الفيلم بيطرح فكرة مهمة جدًا: هل التكنولوجيا ممكن تفهم مشاعرنا زي الإنسان؟ وهل ممكن تحب زيّنا؟ طبعًا لأ، لأنها مش بتحس ولا بتفكر زينا، وده اللي بيخلي الفيلم يناقش قضايا عميقة عن الحب والوعي الإنساني في العصر الحديث".

وأكد عبدالحليم أن فيلم "هيبتا- المناظرة الأخيرة" يقدم مجموعة من القصص المؤثرة عن العلاقات الإنسانية والحب في زمن التكنولوجيا، موضحًا: "الفيلم فيه حكايات جميلة جدًا عن الحب، وكل قصة فيها رسالة مختلفة. قصتي مع كريم أسامة مثلاً هتخلي الناس تفكر في حاجات كتير عن الصداقة والعلاقات. الفيلم كله معمول بإحساس، وكل ممثل فيه ضاف حاجة من نفسه، فهتحس إنك قدام تجربة واقعية ومليانة مشاعر".

وعن رأيه في تطبيقات التعارف الحديثة، قال نور عبدالحليم: "فيه ناس جربت فعلاً تطبيقات التعارف، وأنا عندي صاحب اتعرف على بنت من الأبليكيشن، ودلوقتي مخطوبين. لكن أنا شخصيًا مش مقتنع بيها 100%، بحس إن التواصل الحقيقي لازم يكون وجهاً لوجه. الإحساس اللي بين شخصين لما يتقابلوا مش ممكن يتنقل عن طريق شاشة موبايل".

واختتم عبدالحليم: "أتمنى إن الناس لما تشوف الفيلم تستمتع وتتعلم منه كمان، لأن الفيلم فيه دروس مهمة عن الحب والاختيار والمسؤولية. بنقدّم عمل فيه مشاعر حقيقية ومعاني جميلة، وأتمنى إن الجمهور يخرج من السينما وهو حاسس بحاجة، مش بس متسلى. ده الهدف الحقيقي من أي فيلم ناجح".

أبطال فيلم "هيبتا 2"

وتؤدي بطولة الفيلم منة شلبي أمام كل من كريم فهمي، ومحمد ممدوح، وجيهان الشماشرجي، وسلمى أبو ضيف، وكريم قاسم، ومايان السيد، وحسن مالك، فيما يحل كل من أشرف عبد الباقي وهشام ماجد ضيفَي شرف على الفيلم.

الفيلم من تأليف الأديب محمد صادق، الذي شارك في كتابة السيناريو والحوار مع محمد جلال ونورهان أبو بكر، ومن إخراج هادي الباجوري، وإنتاج أربع شركات.