ضبط المتهم بملاحقة ملكة جمال مصر إيرينا يسري.. والداخلية تكشف التفاصيل
الداخلية المصرية تعلن ضبط شخصٍ أجنبيٍّ لاحق ملكة جمال مصر إيرينا يسري بعد بلاغٍ عبر السوشيال ميديا، مع اعترافه بالواقعة ودوافعه.
كشفت وزارة الداخلية المصرية ملابسات منشورٍ متداولٍ عبر مواقع التواصل الاجتماعي، مدعومٍ بصورة، تضررت خلاله إحدى السيدات من تعرضها للملاحقة من جانب شخصٍ يحمل جنسية إحدى الدول، وقيامه بأعمال ترويعٍ ومضايقاتٍ لها في القاهرة.
وأوضحت الوزارة، عبر حسابها الرسمي على موقع «فيسبوك»، أنه بالفحص لم ترد أي بلاغاتٍ رسميةٍ بشأن الواقعة، إلا أنه تم تحديد وضبط الشخص الظاهر في المنشور، وهو عاملٌ يحمل جنسية إحدى الدول، ويقيم بدائرة قسم شرطة السيدة زينب. وبمواجهته، أقر بارتكاب الواقعة على النحو المشار إليه، مبررًا تصرفه برغبته في الزواج من السيدة. وقد تم اتخاذ الإجراءات القانونية اللازمة حياله.
وكانت إيرينا يسري، ملكة جمال مصر عالميًا لعام 2025-2026، قد نشرت عبر حسابها على «إنستغرام» استغاثةً، كشفت خلالها تعرضها لملاحقةٍ من أحد الأشخاص، مؤكدةً أن حياتها باتت مهددة.
تفاصيل القبض على متهم بمضايقة ملكة جمال مصر إيرينا يسري في القاهرة
وكتبت: "أنا حياتي في خطر.. أنا أول مرة في حياتي أكتب حاجة بالشكل ده، ودائمًا محافظة على خصوصية حياتي الشخصية، لكن لما الأمر يهدد حياتي ومستقبلي والناس المحيطين بي، فأنا مش قادرة الصراحة أسكت عنه".
وأضافت: "من ساعة ما أخدت لقب ملكة جمال ودخلت أول مسلسل ليا في التمثيل، وفي شخص بيكتبلي كومنتات غريبة جدًا، يبان أنه مختل، وفاكر إنه (مودي) وأنا (لارا)، ومصدق ده من ضمن أحداث المسلسل".
وتابعت: "كنت باخد الموضوع بضحك زي أي معجب، لكن الموضوع اتطور إنه بيعرف أنا موجودة فين ويجيلي عند المكان اللي أنا فيه ومعاه خاتم ويقولي ده خاتم جوازنا.. الموضوع يبان كوميدي وبيضحك لأي حد مستمع، وممكن الموضوع ما يتصدقش، إنما أنا عاملة سكرين شوت لكل كلامه واعترافاته بملاحقته ليا في الأماكن والتهديدات".
وأشارت: "أنا مصوراه بموبايلي وهو قدام عربيتي وبيهددني إن أي حد يقرب مني هيقتله، لدرجة إنه اتعدى على السواق الخاص بي بالضرب وجرى لما كنا هنكلم الشرطة.. أنا معرفش بيعرف الأماكن اللي أنا فيها إزاي.. الموضوع وصل بيا أني من خوفي لما أشوفه قدامي بيُغمى عليّ في الشارع، وفي شهود، وبيهرب في ثانية لما الناس تتلم، مش بنلحق نوديه القسم".
الأمن المصري ينهي أزمة ملاحقة إيرينا يسري ويكشف دوافع المتهم
وأكملت: "الموضوع اتطور أكثر، بما إني دكتورة في الأصل، إنه بيروحلي مكان شغلي في العيادة أو العيادات اللي كنت بشتغل فيها والمستشفيات، وبيخلي منظري وحش وسببلي مشاكل في مكان شغلي.. هو الأكيد إنسان مختل، هو فاكر إني بحبه وعايش قصة وهمية في عقله.. أنا مبقتش عارفة أنزل شغلي ولا عارفة أنزل في مكان، ولما بضطر أنزل ببقى خايفة جدًا.. أنا زهقت وجبت آخري".
وأضافت: "الموضوع قعد شهور، أنا مش عارفة أعمل إيه، وبعت لصحابي البنات إنه عايز يعرف أماكن أي حد معجب بيا أو بيحبني عشان يقتله ويضربه.. الموضوع وصل إن الناس اللي في حياتي بقت تخاف تنزل معايا، حتى السواق ساب الشغل معايا بعد ما اتضرب".
وعقب القبض على المتهم، وجهت إيرينا يسري الشكر لوزارة الداخلية، وكتبت: "كل الشكر والتقدير لرجال الشرطة المصرية ووزارة الداخلية على سرعة استجابتهم وتعاملهم الاحترافي".
وتابعت: "في وقتٍ قياسي، وبعد يومٍ واحدٍ فقط من البوست اللي نزلته، قدروا يقبضوا على الشخص اللي كان بيطاردني وبيسببلي أذى نفسي وخطرًا حقيقيًا لي وللي حواليا.. اللي حصل ده أكد لي إن في دولة بتحمينا وبتاخد حقنا بجد أيًا كانت جنسية الشخص، وإن مفيش حد فوق القانون".
