استعدادات زفاف ولي عهد الأردن.. رسائل الملكة رانيا للكنة والحماة

رسائل دافئة من الملكة رانيا لكنتها المستقبلية وحماة ابنها في عشاء ضمن استعدادات زفاف ولي عهد الأردن الأمير الحسين بن عبدالله الثاني.

وأقامت ملكة الأردن حفل عشاء في عمان احتفالا بقرب زفاف ولي العهد الأمير الحسين على رجوة آل سيف في العاصمة الأردنية.

وأظهرت لقطات مصورة للحفل، نشرها المكتب الإعلامي لملكة الأردن، الملكة رانيا وهي تعانق عروس المستقبل. ورقصتا بعد ذلك مع الضيوف.

وألقت الملكة رانيا كلمة خلال الحفل أشادت فيها برجوة ورحبت بدخولها الأسرة.

وقالت "رجوة هي أحلى رجاء مني لرب العالمين لحسين".

وأضافت: "وأخيراً صار عندي كِنة! بس مش أي كِنة ما شاء الله عليها رجوة يعني ما بعرف في أحلى أو ألذ منها العروس؟ جد غلاوتها من غلاوة إيمان وسلمى. بتذكر من كم شهر لمّا خبرنا حسين، سيدنا وأنا، أنه نوى يتزوج قديش كانت فرحتنا. رجوة هي أحلى رجاء مني لرب العالمين لحسين".

وتوجهت إلى والدة العروس بالقول: "أم فيصل، إحنا عنا بنقول دايماً بتعرفوا البنت من أمها وأنا بحكيلكم الأم جوهرة، "عزة" أنا بعرف أنا كنت محلك قبل شهرين وبعرف شعورك... بس بدي أطمنك إنه رجوة بعيونا وبعيون حسين وهي بين أهلها وناسها، فاطمئني عليها".

وتابعت: "بتعرفوا احنا كأمهات، ايش بدنا من الدنيا غير أنه نشوف أولادنا مبسوطين ومرتاحين. ويمكن إحنا مرات بنراجع حالنا ونسأل هل إحنا عملنا كل اللي بنقدر عليه؟ وأنا، لما سيدنا المغفور له الملك الحسين الله يرحمه قبل ما يتوفى لما كان بالمستشفى وعرفنا إنه تعبان، أنا وعدته وعد، قلتله: حسين رح يتربى زي ما أنت بدك".

ويُقام حفل زفاف ولي العهد الأمير حسين، الابن الأكبر للعاهل الأردني الملك عبد الله الثاني، في عمان يوم الخميس الموافق الأول من يونيو/حزيران المقبل.

وأعلن الأردن ذلك اليوم عطلة رسمية احتفالا بالزفاف.