ردت الممثلة المصرية منى ممدوح على منتقدي دورها في سلسلة "ولاد رزق"، التي يُعرض آخر أجزائها هذه الأيام في دور السينما.
وقالت منى ممدوح في تصريحات لـ"العين الإخبارية": "شخصيتي كانت جديدة ودمها خفيف، عملت معادلة صعبة، الشكل الحلو مع الضحك اللي مش موجود ومشفناهوش".
وأضافت: "الحمد لله إن أنا قدرت أوصل للناس وإن شاء الله الفيلم يعجب الناس"، مشيرة إلى أن الممثل عمرو يوسف "صديقي من زمان جدا، واشتغلنا مع بعض إعلانات كتيرة جدا وإحنا موديل".
وتابعت الممثلة المصرية: "عمرو يوسف صديقي من زمان، وفعلا بيضيف لي كتير الحمد لله، والعمل الحلو اللي بتضيف للواحد إنه يكون الفريق كله متعاون وبيضيف لبعض".
وواصلت: "في ناس انتقدتني في الجزء الأول، بس لما شافوا الجزء التاني وإنه مش معتمد على شكلي ولكن على أدائي حبوني في الجزء التاني واستنوا الثالث، ويا رب الجزء الثالث ينجح علشان نعمل الرابع".
