الفنانة المصرية صفية العمري تشعر بالغضب.. ما السبب؟ (فيديو)
طالبت الفنانة المصرية صفية العمري، بحصول الفنانين على مقابل مادي، نظير عرض أعمالهم على القنوات التلفزيونية.
وقالت صفية العمري في مقابلة ببرنامج "ليالي Ten" مع الإعلامية بوسي شلبي على فضائية "Ten" المصرية: "إحنا الفنانين اللي أعمالنا بتتذاع كل يوم المفروض يبقى لينا عائد والحقوق بتاعتنا ناخدها لكن محدش مهتم، العالم كله بيدفع للفنان، المنتجين مش هتدفع من جيوبها، لكن القنوات هي اللي مستفيدة لكن الفنان مش مستفيد بحاجة، للأسف النهاردة فيه فنانين كتير مرضى، هل ينفع إن الدولة هي اللي تعالج الفنان؟ أنا غضبانة جدًا".
وتطرقت العمري في حوارها عن كواليس تصوير أهم أعمالها الدرامية (شخصية نازك السلحدار في مسلسل ليالي الحلمية)، قائلة: "نازك السلحدار دي شخصيتي أنا، يعني أنا طول عمري كده من وأنا صغيرة ودي شخصيتي، نازك ماضفتش ليا حاجة، بالعكس أنا اللي ضفت ليها من روحي ومن شخصيتي أنا".
وتابعت حديثها: "في بداياتي، حتى مفكرتش وقتها مين اللي هيلبسنا، زي ما موجود النهاردة الفنان بيدخل معاه 7 وراه مبيجبش حتى المنديل من بيته، إحنا مكناش بناخد فلوس خالص، يعني مبالغ ضئيلة جدًا، وكنا بنصرف على مظهرنا، يعني لبس مسلسل (هوانم جاردن سيتي) كله و(ليالي الحلمية) أنا جبته على حسابي، تمن البرنيطة بس بسعر حلقة، مكناش بنفكر هنقبض كام لأنه كان الفن بالنسبة لنا هو الحياة".
صفية العمري من مواليد 20 أكتوبر/ تشرين الأول 1949، وعملت مترجمة في بداية حياتها، واكتشفها المنتج رمسيس نجيب وشجعها على العمل ممثلة ومن أبرز أعمالها في التلفزيون "ليالي الحلمية، أوبرا عايدة، أحلام الفتى الطائر"، وفي السينما "على باب الوزير، ليل وخونة، البيه البواب".
