زوجة رامي صبري ترد بقوة على ويجز: «أنت مش على الخريطة»

ردت شيرين عادل، زوجة الفنان رامي صبري، على الانتقادات التي وجهها الرابر ويجز إلى زوجها بعد تصريحاته الأخيرة في أحد البرامج التلفزيونية.

نشرت شيرين عبر حسابها على "إنستغرام" مقطع فيديو لحديث رامي صبري عن الراب خلال الحلقة، وعلقت قائلة: "ده جزء من الحلقة اللي رامي اتكلم فيها عن الراب. ومن هنا ورايح مش هسكت، وهرد على أي حد يفكر يتكلم عنه تاني بطريقة مش عجباني".

• تامر حسني يتصدر جنازة والدة مي عز الدين (صور)

الرد الحاسم

وأضافت: "أولاً، رامي اتسأل سؤال ورد عليه بكل حرية، وهو عنده الحق الكامل في الإجابة. ثانياً، رامي صبري فنان من أهم الأصوات في الوطن العربي، ولو حضرتك مش فاهم ده، يبقى أنت مش معانا في مجال المزيكا أصلاً. رامي صبري مشغول بأعماله الناجحة، مش زي ناس عندهم وقت فاضي لمدة 5 شهور".

وأكملت: "أما عن موضوع ترتيب رامي، الحقيقة مش شاغل باله، لكن لو شايف إنه رقم 19، للأسف لازم أقول إنك مش موجود على الخريطة من الأساس. أغنية واحدة من رامي صبري تصنع تاريخ لأي فنان. قبل ما تتكلم، ذاكر واعرف أنت بتتكلم عن مين".

رسالة مباشرة لويجز

وأردفت شيرين: "واضح إن عندك اهتمامات تانية غير المزيكا، لأن لو كنت في المجال فعلاً، مكنتش تقول الكلام ده عن فنان حقيقي مش جاي يهزر. وأخيراً، لما تحب تعمل دعاية لأغنيتك الجديدة، أبعد عن اسم رامي صبري. أنا عارفة إن اسمه هيخلي الأغنية ترند، لكن حاول تعتمد على نفسك".

أصل الخلاف

تصاعدت الأزمة بعدما صرح رامي صبري في مقابلة تلفزيونية أن أهم 5 نجوم في مصر هم: عمرو دياب، تامر حسني، محمد حماقي، رامي صبري، مشيراً إلى أنه لا يرى أي أسماء أخرى تنافس هذه القائمة. هذا التصريح أثار ردود فعل واسعة، كان أبرزها انتقاد ويجز الذي اعتبر كلام رامي مبالغًا فيه.