سماح أنور تدعم شيرين عبدالوهاب برسالة مؤثرة

حرصت الممثلة المصرية سماح أنور على تقديم رسالة دعم لمواطنتها النجمة شيرين عبدالوهاب، لمساندتها في أزمتها الأخيرة بعد إيداعها مصحة نفسية.

وعبّرت سماح أنور من خلال رسالتها عن حبها الشديد لشيرين عبدالوهاب عبر حسابها على فيسبوك.

• "اسألوا أحمد سعد".. ملحن مصري يهاجم حسام حبيب بعد تصريحاته عن شيرين
  

وكتبت سماح أنور: "يا شيرين.. عايزة أعرّفك على إنسانة بتعشق إنك اتولدتي، أكتر واحدة فرحت بيكي، وعندها كمية كلام وأحلام وإلهام مش هتصدقيها، وهتعوزي مليون عمر على عمرك علشان تكفيها".

وتابعت: "عايزاكي مش بس تقابليها، لا نفسي كمان إنك تعينيها، الإنسانة الوحيدة اللي طول عمرها في ضهرك، هي اللي بتسندك في البكاء وفي الفرح، في النصرة وفي الانكسار، في الصحة وفي المرض، في النجاح وحتى الفشل، ماتنسيهاش وما تهينيهاش".

وأضافت: "ثقي فيها حني عليها، اسمعي بكاها وخديها في حضنك وحافظي قوي قوي عليها، دي اللي خلت شيرين تخش قلوب الدنيا زي سهم العشق اللي لو اتنزع مننا يوجعنا، دي الوحيدة اللي عمرها ما سابتك ولا خذلتك، اسمها شيرين عبد الوهاب برضه".

واختتمت رسالتها قائلة: "خللي بالك عليها، واسمعي كده في وسط كل الألم والزعيق والدوشة صوتها الهادي الواطي البسيط بيقولك كلمة واحدة صداها في قلوبنا، اسمعي كده.. قالت إيه؟.. هتقومي".

وخلال الأيام القليلة الماضية، ضجت مواقع التواصل الاجتماعي في مصر بخبر حجز المطربة شيرين بإحدى مصحات علاج الإدمان والصحة النفسية على يد شقيقها بعدما وجه تهمة لطليقها المطرب حسام حبيب بأنه السبب وراء إدمانها المواد المخدرة.