بسمة وهبة في فيديو صادم من غرفة العمليات: "الواحد زي الخروف"
نشرت الإعلامية المصرية بسمة وهبة، مقطع فيديو لها عبر "إنستجرام"، من داخل أحد المستشفيات.
وظهرت بسمة وهبة في الفيديو وهي مستلقية على الفراش، متأثرة باستفاقتها من التخدير، وهو ما يتضح من خلال صعوبة تحدثها.
وقالت الإعلامية المصرية خلال المقطع: "الواحد بيبقى عامل زي الخروف.. معزة.. خروف داخل يتدبح.. يارب يا كريم.. يارب يا وفاء يرحمك.. يارب".
وخلال تعليقها على المقطع، لامت "بسمة" سيدة تواصلت معها قبل خضوعها للعلاج مؤخرصا، فروت: "واحدة معرفة اتصلت بيا فا مردتش عليها.. راحت بعتالي رسالة بتعاتبني.. فقلت لها معلش مش قادرة أتكلم لما أقدر هكلمك.. راحت ردت عليا قالت لي آه مانتي مشغولة صحيح كل يوم في بلد وبتتفسحي".
وأضافت: "عاوزة أقولها هي واللي زيها إن أي صورة على السوشيال ميديا حلوة وراها أوقات وحشة.. وأي صورة فيها سعادة وراها أوقات تعاسة وألم.. صحيح ممكن أكون مسافرة بس بعمل عملية ممكن أكون مسافرة وفي عملية وفي البنج وحزينة لإن صاحبتي ماتت قبلها بيومين".
وأردفت "بسمة": "حتي وأنا في البنج وتعبانة حزينة عليها وبدعيلها وممكن أكون مسافرة أتعالج مش أتفسح.. بس بما إني مسافرة لو ماعندكيش مانع أخرج قبل العملية وأتمشي في الشارع بعد العملية لو مايضايقكيش.. يعني أحب اقولك انتي واللي زيك ربنا ما يحكم عليكي يا بنتي باللي في الواحد واحمدي ربنا إنك مش مضطره تسافري عشان تلاقي حل لمرض نادر".
وختمت: "من فضلكم ارحمونا وسيبونا في حالنا أنا صاحبتي وفاء ماتت من الحسد".
