فيديو: إيفون نبيل في ورطة.. خلافات زوجية وضرب وحبس
أشعلت البلوجر المصرية إيفون نبيل مواقع التواصل الاجتماعي، بعد نشر مقطع فيديو تستغيث خلاله من معاملة زوجها لها، وقيامه بالتعدي عليها.
استغاثة إيفون نبيل
وقالت إيفون في الفيديو: "دي أول مرة أعمل النوعية دي من الفيديوهات، ما كنتش حابة أطلع أقول الكلام دا، ولا أتكلم بالطريقة دي، لأني طول الوقت بديكم طاقة إيجابية، أنا حاليا محبوسة في بيتي، جوزي أخد مني اللاب توب والموبايل، وخبيت منه الموبايل دا علشان أعرف أطلع منه، غير إنه غيّر باسوردات معظم الصفحات".
فيديو إيفون نبيل
وأضافت إيفون نبيل في حديثها: "فيه مشاكل بيني وبين زوجي من سنين، لكني عمري ما طلعت أتكلم عنها، ودائمًا بدي طاقة ايجابية، أنا بواجه تهديدات كتير قوي، وقولت المرة دي أقدر أستعينن بيكم يمكن ألاقي حد ينقذني، مش عارفة أنزل من بيتي، وزوجي طلع آخر حاجة بيسجل مكالمات ما بيني وبينه، هو فيه أمان لحد بيسجل لمراته؟ أنا مش قادرة أسجل من جوه الصالة الفيديو علشان أولادي".
البلوجر إيفون نبيل
وتابعت البلوجر الشهيرة: "أنا حياتي بتنهار بقالي 8 سنين بتهدد، كنت الأول بشتغل في قناة، قالي ما تنزليش ما تشتغليش علشان الأولاد قولت يمكن عنده حق، قعدت سنين ما بشتغلش، في مشاكل، تحولت لخدامة في البيت، وهي دي كل حاجة بعملها في حياتي فقط".
وواصلت حديثها: "قرأت عن النرجسية، وعرفت إنه شخص نرجسي، ورحت لدكتور وعرفت إنه عنده مشكلة، مشكلة النرجسية مش بتتحل، هو غير كل حاجة عني، أنقذوني، حياتي بتبوظ، عاوزة أطلع أنا وعيالي، تعبت، شخص بيتلون، هتبقي حياتنا كويسة، لكن يرجع يقول أنت متخلفة هتعري عيالك، أنت حاجة بيئة وقليلة".
واختتمت البلوجر الشهير الفيديو قائلةً: "شير للايف أرجوكم، أنا ساكنة في الزيتون، والله ما عارفة أعمل إيه، المرة الجاية مش عارفة هيعمل إيه، أنا رافضة الحياة دي تاني، بقالي 8 سنين بتعذب في ذل، كل الناس بتقولي بحبك، وهو: أنت مكروهة، وكل الناس أنت ناجحة، وهو: أنت فاشلة.. أنا مش عارفه اتصرف أنقذوني".
من هي إيفون نبيل؟
يذكر أن إيفون نبيل من مواليد 26 أغسطس 1983، وعملت صحفية، ومقدم برامج وقامت بتأليف مسلسل"حرمت يا بابا" كما شاركت بالتمثيل في عدد من الأعمال الدرامية منها مسلسل"نور الصباح".
