طلاق ممثلة سورية بعد يوم واحد من زواجها

أعلنت الممثلة السورية تولين البكري طلاقها من رجل الأعمال السوري أمجد بدور بعد يوم واحد من ارتباطها به

أعلنت الممثلة السورية تولين البكري طلاقها من رجل الأعمال السوري أمجد بدور بعد يوم واحد من ارتباطها به في حفل حضره أصدقاؤها المقربون.

وكشفت الممثلة السورية في رسالة على صفحتها بالفيس بوك أسباب الطلاق، والذي أعزته إلى رفض أسره بدور ارتباطه به، لكونها ممثلة ومطلقة.

وقالت بدور في رسالتها : "رفيقاتي...حبايبي.. لكل اللي فرحولي من قلبون.. ولكل اللي باركولي وتمنولي الخير.. بقول.. ومتل ما كنتوا معي نضاف وبقلب صافي وبمحبة فرحتوا لفرحي أنا واجبي بادلكم بنفس الصدق والصفاء وشيل كل تساؤل وإشارة استفهام عم تفكروا فيها.. بما إني بعد يوم من إعلان زواجي شلت كل الصور .. أنا رح واجه مشكلتي معكم لأنو أد ما خبيت ما في شيء بيدوم .. وما في داعي لخبي لأني ما غلطت".

وتابعت: "بالعكس.. أنا متلي متل أيا أنثى.. بتحلم بالاستقرار والأمان والدفا والعيلة والحب.. ارتبطت شرعًا بشب ابن عالم وناس وتزوجنا بعد ما تقدم لي بشكل رسمي وحكا مع أهلي وطلبني على سنة الله ورسوله.. ولكن للأسف كان لأهل هالشب اعتراض عليا ومآخذ.. بما أنني مطلقة وممثلة و.. و.. الخ.. وأجبروه على فسخ عقد الزواج القائم بيننا.. ما عندي شيء خبيه لأني ما غلطت كل ذنبي كان إني طلبت الحلال مع هالشب".

واختتمت قائلة: "بالنهاية كل شيء لخير أكيد.. وقسمة ونصيب.. بس حابة قول لكل أم عندها شب عم تدور لأبنها على عروس من وجهة نظرها أخلاق هالعروس بتنطلق من عذريتها، بحب قول لهالأم.. يا سيدتي عذرية الروح أهم بكتير من عذرية الجسد.. وبعتذر من أهلي قدام الكل لأني حطيتون بهالموقف بدون أي ذنب.. شكرًا".