فن
كارولين عزمي تصور فيديو لشخص يتحرش بها: "هتشوفوا عمل إيه في المقطع المصور"
كشفت الفنانة المصرية كارولين عزمي، تعرضها للتحرش داخل سيارتها. ونشرت عبر حسابها الشخصي على تطبيق "أنستقرام" مقطع فيديو من الحادث، وأرفقته بتعليق.
وقالت كارولين عزمي: "مساء الخير، أنا اللي يعرفنى أو متابعنى عارف إني شخص مالوش فى المشاكل، ولا عمري شاركت مشكله تخصنى سوشيال ميديا".
وأضافت كارولين : "النهاردة كنت فى عربيتي وجنبي عربية فيها واحد كسر عليا كل اللي عملته إنى بصيت له وبصيت قدامي، فلقيته بيكرر نفس الحركة تاني باستظراف، روحت طلعت الموبايل وعملت نفسي بصور عشان أخوفه وأخليه يبطل يضايقني، اتفاجأت وهو بيقول لي بتصوريني يا بنت (لفظ خادش)".
واستكملت كارولين حديثها: "ساعتها اتخضيت وبدأت أصور بجد وأنتم هتشوفوا في الفيديو الحركات اللي بإيده والشتايم، وبدأ يقول لي تعالي ورايا، والحقيقة إني مش عارفة أروح وراه فين أو كان عايز يعمل ايه، ولأني اتوترت وخفت ساعتها ما قدرتش أصور 1% من اللي عمله الشخص دا".
وتابعت كارولين عزمي: "أنا اتشمت واتهنت واتشمت بأهلي بأقذر الشتايم النهاردة من حد معرفوش ولا عملت له حاجة، ولا فتحت بوقي لمجرد إنه شخص مريض، أكيد الشخص دا أذى بنات كتير لأنه تقريبا متعود على الحركات دي، ومتعود يخوفهم ومش همه حتى إنه يتصور ويتفضح، أنا عايزة حقي يرجع لي".
كارولين عزمي من مواليد 17 أبريل 1996، ودرست التمثيل والإخراج بالمعهد العالي للفنون المسرحية، وشاركت في بطولة العديد من المسلسلات التلفزيونية أبرزها" الأب الروحي، وأبو العروسة، والشارع اللى ورانا، ورمضان كريم".
aXA6IDE4LjIyNi45My4xMzgg
جزيرة ام اند امز
