تفاصيل جديدة بواقعة "السجود لكلب".. مدير أمن المستشفى يكشف مفاجأة

استدعت الأجهزة الأمنية المصرية مدير أمن مستشفى عين شمس، الذي حصلت فيه واقعة "السجود للكلب".

وكان انتشر فيديو في مصر لأحد الأطباء يقوم بإهانة ممرض والتعدي عليه بالضرب وإجباره على السجود لكلب.

• غسل ملابس النساء 6 أشهر.. عقوبة مغتصب في قرية هندية

وقال مدير أمن المستشفى أمام النيابة العامة، خلال التحقيقات: "الواقعة محصلتش عندنا في المستشفى ومتأكد من كلامي علشان شكل الغرف اللي ظهرت في فيديو الواقعة تختلف عند اللي عندنا تماما".

وأشار إلى أنه حصل على الفيديو من مدير الموارد البشرية في المستشفى: "علشان أنا مدير أمن المستشفى وأي حادث بيحصل في المستشفى لازم يوصلي ولما شوفت الفيديو لقيت فيه دكتور بيهين ممرض وكان في الفيديو ظاهر فيه ناس معرفهمش وهو ممرض مش من المستشفى ولا المكان اللي اتصور فيه الفيديو في مستشفى عين شمس لأن الأوضة دي مختلفة عن شكل الأوض إللي في المستشفى من حيث تجهيزات الغرفة".

وأضاف: "أنا شفت الفيديو والممرض ده مش عندنا في المستشفى واتأكدت من كده علشان الهدوم إلى لابسها مختلفة عن ملابس الممرضين اللي عندنا في المستشفى لأن زي التمريض في المستشفي عندنا بدله لبني فاتح لكن الممرض اللي في الفيديو كان لابس بدلة لونها أزرق غامق وبالنسبة للشخص الثاني إللي ظاهر في المقطع وكان لابس قميص أنا معرفوش وبالنسبة للشخص التالت اللي كان لابس بالطو أبيض أنا معرفوش".