بعد تغريدة حرائق لبنان.. شيرين عبدالوهاب تقاطع مواقع التواصل

شيرين تعلن قبل قرار مقاطعة وسائل التواصل الاجتماعي نيتها لإحياء حفل في لبنان لصالح متضرري الحرائق المشتعلة منذ 24 ساعة تقريبا

قررت الفنانة المصرية شيرين عبدالوهاب مقاطعة مواقع التواصل الاجتماعي "فيسبوك وتويتر وأنستقرام"، بعد انتقادات طالتها بعد تغريدة أطلقتها منذ ساعات، أعلنت خلالها نيتها إحياء حفل في لبنان لصالح ضحايا الحرائق.

•  شيرين تطلب إحياء حفل تضامنا مع متضرري الحرائق في لبنان
  

وكتبت شيرين عبر "تويتر": "أنا عارفة ومتأكدة إن الأغلبية متصالحين مع أنفسهم ومحترمين، ولو أنا كنت ببص للناس اللي كارهة نفسها وكارهة نجاح الآخرين ومش عاجبها حاجة، مكنتش اتقدمت في حياتي ولا أنجزت أي حاجة".

وتابعت شيرين عبدالوهاب: "انهاردة أنا نزلت بوست للبنان علشان حبيت أساعد بأي حاجة أقدر عليها، واللي أقدر عليه هو صوتي، أنا مش مهندسة ولا طبيبة، وده اللي ممكن أساهم بيه، علشان حتى لو ساهمت بفلوس مهما كانت هتكون قليلة".

• بعد فترة غياب.. شيرين عبدالوهاب تعد جمهورها بألبوم قوي

وأضافت: "قررت أكون إيجابية، وأعمل حاجة أساعد بيها، ولما شفت التعليقات على منشوري الأخير اكتشفت إن مهما الإنسان عمل مش هيعجب الناس، ده غير إنهم مرة يحملوني ويسقطوني ومرة يجوزوني ومرة يطلقوني، ومرة يطلعوني معنديش انتماء لبلدي".

وواصلت الفنانة المصرية: "فبما إن أنا شخص مش مغلوب على أمره، قررت أقفل كل حاجة لها علاقة بالسوشيال ميديا، عشان مأذيش نفسي ولا المتابعين المحترمين اللي هتقرأ التعليقات".

واختتمت شيرين قائلة: "أرجو من محبيني ما يزعلوش مني علشان دي حاجة هتريحني وتفرحني".