حمو بيكا باكيا: أنا تعبت.. وأمي قالت لي مش عايزاك تغني (فيديو)
عبر مؤدي المهرجانات المصري حمو بيكا عن حزنه بسبب منعه من الغناء وسقوطه المتكرر في امتحانات نقابة المهن الموسيقية وعدم نيل عضويتها.
وقال بيكا، خلال مقابلة مع برنامج "كلام الناس" على قناة "MBC مصر" إن والدته طلبت منه عدم الاستمرار في الغناء بسبب الأزمات التي يتعرض لها.
وتابع قائلا: "والدتي زعلانه عليا ومن خوفها عليا قالت لي بطل مش عايزاك تغني وقولتلها دي حاجة أنا بحبها ومش هبطل وأنا مش بعمل حاجة غلط".
وعن إعادة الامتحان مرة أخرى، قال حمو بيكا: "أنا خلاص مش عايز حاجة، والكورسات مبتتعملش غير لحمو بيكا". وتابع: "جابولي ناس كبيرة من الأوبرا يختبروني، وكان لازم أغني لأم كلثوم وعبدالحليم حافظ، في المقابل زمايلي غنوا مهرجانات في الاختبارات ونجحوا".
ي
وأضاف باكيا "أنا تعبت ومحدش حاسس بيا"، و"امتحانات النقابة ظالمة ولا ترضي الله"، موضحًا أنه مؤد وليس مطربًا كي يعامل بمعايير المطربين. وتابع: "أنا مش صوت ولا كروان بس ليا جمهور وشعبية كبيرة والناس بتحبني، وأنا نفسي أتصنف بس راب ولا أي حاجة".
وأضاف: "أنا مش صوت، أنا داخل بجمهور، أنا راجل مؤدي، مش لازم يكون صوتي كروان عشان يدوني الكارنيه، أنا أي دولة عربية بتسمعني، مينفعش، ليا الجمهور دا كلو وحضرتك مش مصنفني".
وأشار بيكا إلى حقه القانوني في ممارسة عمله كمؤدي مهرجانات طالما كان ملتزما بالقانون، مضيفا: "في الدستور حرية الرأي مكفولة، ملكش تمنعني، أنا مش بعمل حاجة غلط، كل حاجة النقابة بتطلبها بعملها، أعمل إيه تاني، أنت بتقولي أخرج بره مصر، لا أنا مصري، ولازم الامتحانات تمشي بما يرضي الله".
وكانت نقابة المهن الموسيقية قد أوقفت في نوفمبر/ تشرين الثاني الماضي مجموعة من مؤدي المهرجانات، وأصدرت قائمة ضمت 19 اسما شملهم قرارها وعلى رأسهم حمو بيكا وحسن شاكوش.
ووضعت النقابة مؤخرا مجموعة من الشروط؛ لمنح مطربي المهرجانات عضوية النقابة، تتضمن تغيير الاسم إلى أسماء مناسبة، بالإضافة إلى اجتياز الاختبار، وتقديم الأوراق الخاصة بالموقف من أداء الخدمة العسكرية.
aXA6IDE4LjIyMi4yMC4yNTAg جزيرة ام اند امز
