حمو بيكا يكشف اسمه الحقيقي: "مستعد أغيره علشان أشتغل" (فيديو)

كشف مطرب المهرجانات المصري حمو بيكا عن اسمه الحقيقي، مؤكدا أنه لا يمانع في التخلي عن اسم "بيكا" لدخول نقابة المهن الموسيقية.

وقال بيكا خلال مداخلة هاتفية مع الإعلامي عمرو أديب ببرنامج "الحكاية" المذاع عبر قناة MBC مصر: "أنا مستعد أغير حياتي كلها عشان أشتغل وأكل عيش، وأنا اسمي الحقيقي محمد محمود، واسم الدلع حمو، لو عايزين في النقابة يشيلوا بيكا ويحطوا أي اسم مفيش عندي مشكلة".

• تفاصيل القبض على مطربة المهرجانات المصرية يارا محمد

وكانت نقابة المهن الموسيقية قد وضعت مجموعة من الشروط؛ لمنح مطربي المهرجانات عضوية النقابة، تتضمن تغيير الاسم إلى أسماء مناسبة، بالإضافة إلى اجتياز الاختبار، وتقديم الأوراق الخاصة بالموقف من أداء الخدمة العسكرية.

بدوره، قال مطربي المهرجانات حسن شاكوش إن اسمه المسجل في نقابة المهن الموسيقية هو حسن منصور، ولا يحتاج بالتالي إلى تغيير اسمه، مضيفا: "أنا اسمي في كارنيه النقابة حسن منصور، وشاكوش دي شهرة عند الناس في الشارع بتناديني بيها".

وأوضح شاكوش أن "النقابة إخواتنا الكبار، وأكيد شايفين حاجة إحنا مش شايفينها، لكن اللي عايز يناديني في الشارع شاكوش مش هفرض عليه يغير اسمي."

وردا على سؤال حول تغيير اسم شاكوش على الدعاية الخاصة بحفلاته قال: "أنا وصلت لمرحلة ممكن يكون على الدعاية صورتي ومش لازم اسمي خالص والناس هتعرفني، وشي اتعرف ومش محتاج الاسم."

من جانبه أوضح محمد أبو اليزيد وكيل أول النقابة أن الشروط التي يدور الحديث عنها ليست خاصة بمطربي المهرجانات، مضيفا "لا توجد شروط للمهرجانات، الشروط تكون لكل الأعضاء، والبعض خرج بهذه الحكاية ونشرها بطريقة غريبة اليوم، وهذه أول مرة نسمع فيها عن الموضوع."

وتابع: "هو ينفع مطرب يكون اسمه حمو طيخا، وهو اسمه حمو رجب وده اسم أحلى. إحنا معملناش شروط بس الاسم غير مقبول، لازم يغير اسمه وده الشرط الوحيد، وفي أسماء مش محتاجة تغيير."

وأضاف: "شاكوش كان موجود في النقابة وماضي إقرار يغير اسمه، ومقدرش أقول اسم شاكوش ينفع أو لأ، لجنة القيد هي التي تحدد."

وكانت نقابة المهن الموسيقية قد أوقفت في نوفمبر/ تشرين الثاني الماضي مجموعة من مؤدي المهرجانات، وأصدرت قائمة ضمت 19 اسما شملهم قرارها وعلى رأسهم حمو بيكا وحسن شاكوش.